Macaco xaponés

O macaco xaponés (Macaca fuscata) é unha especie da familia dos cercopitécidos nativa do Xapón. Trátase do primate non humano que vive máis ao norte do mundo. De feito é o único adaptado a un clima frío, xa que os macacos xaponeses adoitan vivir en zonas onde a neve cobre a paisaxe durante varios meses cada ano.^[1][2] Posúen unha pelaxe entre marrón e gris, a face vermella e colas curtas.

Macaco xaponés
Macaco na prefectura de Osaca.
Estado de conservación
Pouco preocupante
Clasificación científica
Reino: Animalia Filo: Chordata Clase: Mammalia Orde: Primates Familia: Cercopitécidos Xénero: Macaca Especie: M. fuscata
Nome binomial
Macaca fuscata (Blyth, 1875)
Área de distribución do macaco xaponés. Área de distribución do macaco xaponés.
Subespecies
Macaca fuscata fuscata Macaca fuscata yakui

No Xapón é coñecido polo nome de Nihonzaru (Nihon 日本 "Xapón" + saru 猿 "mono") para diferencialo doutros primates, mais o macaco xaponés é tan familiar no país que cando os xaponeses din simplemente saru adoitan referirse ao macaco xaponés.