Maison Carrée

A Maison Carrée é un templo romano, un dos templos antigos mellor conservados, que se encontra sito en Nîmes (a antiga Nemausus), na Occitania, país de Francia meridional.

Maison Carrée
Nîmes
Tipo	xacemento arqueolóxico, templo romano, estrutura romana e templo
Parte de	Nemausus
Estilo	arquitectura da Roma Antiga e Orde corintia
Persoas e organizacións
Propietario/a	Cidade de Nîmes
Fundador/a	Marco Vipsanio Agripa
Dimensións
Anchura	14 m
Lonxitude	28 m
Acontecementos
	transformación
	transformación
2006 – 2010	limpeza
Localización
43°50′17″N 4°21′22″L
Situado en	Nîmes
Enderezo	place de la Maison Carrée
Patrimonio cultural
Patrimonio da Humanidade
Tipo	Patrimonio cultural  → Europa-América do Norte
Data	2023 (45ª Sesión), Criterios de Patrimonio da Humanidade: (iv)
Identificador	1569
Monumento histórico clasificado
Data	1840
Identificador	PA00103125
Composto por
Composto por  CIL XII, 3156
Fontes e ligazóns
Páxina WEB	maisoncarree.eu…
Descrito pola fonte Nîmes Antique (en) pp. 50, 78-83 Meyers Konversations-Lexikon, 4ª edición (1885–1890) Q123497707
[ Wikidata ] [ C:Commons ]

Maison Carrée en 1958.

Foi construído entre o 19 e o 16 a.C. por Marco Vipsanio Agripa, aínda que hai autores que o datan concretametne entre o 2 e o 5 da nosa era^[1].Foi dedicado aos fillos do mesmo Agripa e de Xulia, filla de Augusto: Gaio e Lucio César, mortos ambos aínda novos. O texto da inscrición dedicada foi reconstruído polo erudito local Jean-François Séguier, en 1758, a partir dos furados deixados polas letras de bronce orixinais; dicía : "A Gaio César, fillo de Augusto, cónsul; a Lucio César, fillo de Augusto, cónsul designado; príncipes da mocidade".

O templo debe o seu óptimo estado de conservación ao feito de haber sido reutilizado como igrexa cristiá no século IV. Pasou por varios usos durante toda a súa historia o que comportou grandes transformacións: foi sede de diversas institucións públicas cidadás; de novo, en 1691, os monxes agostiños reciben a Maison como doazón, e instalan a súa igrexa; foi mesmo corte de gando durante a Revolución francesa; finalmente, de 1819 a 1825, foi restaurada para se converter, desde 1823, nun museo que, hoxe en día, alberga exposicións temporais^[2].

O seu nome en francés, é adoptado no século XVI, e significa literalmente "Casa cadrada", debido a que, no francés arcaico, empregábase o termo carré co significado de "cuadrangular", é dicir con aspecto de "rectángulo", con clara alusión á planta do edificio^[1].

Características

Pese ás súas dimensións (mide 13,54 metros de largo e 26,42 metros de longo e 17 m de alto), este pequeno templo romano, alzado sobre un elevado podio, de 2,85 m de altura, dominaba a zona sur do foro, corazón económico e administrativo da antiga Nemausus.

É un templo pseudoperíptero hexástilo, con pronao particularmente profundo (cerca dun terzo da lonxitude total da edificación). Presenta seis columnas na fachada (de aí hexástilo) e tres columnas libres nos lados, que continúan con oito semicolumnas laterais e na traseira da cella. Un pórtico, do que aínda se poden observar as bases das columnas, arrodeaba a Maison Carrée, estendíase cara ao Norte e marcaba o lugar do foro nemausiano. Accedíase ao podio por unha escalinata de 15 chanzos, reconstruída con algúns restos antigos conservados. No fronstipicio figuraba unha antiga inscrición reconstruída en 1835 (ver arriba).
A súa arquitectura estaba inspirada na do templo de Apolo en Roma, como o testemuñan as súas dimensións, con manifesta influencia grega. Sostense sobre columnas, con fuste acanalado e capiteis corintios, con cornixa, apoiada sobre ménsulas, que abriga un friso historiado en tres dos lados.

No interior a cella está revestida con letras de mármore.