Manolito Catrollos

Manolito Catrollos (o nome orixinal en español é Manolito Gafotas) é o nome dun libro de Elvira Lindo escrito en 1994, mais converteuse nunha serie de novelas nas que se narra a historia dun cativo e a súa familia, no madrileño barrio de Carabanchel Alto, coa caracterización peculiar dos personaxes españois nun lugar urbano sen moitos luxos.

Manolito Catrollos
Tipo	serie de libros
Forma artística	novela
Linguas lingua castelá
Autoría
Autor/a	Elvira Lindo
Temática
Ambientado en	Carabanchel e Madrid
Publicación
Data publicación 1994
País orixe	España
[ Wikidata ]

O certo é que Manolito xa é un personaxe histórico, pois foi levalo a pequenas e grandes pantallas, en versións para todos os públicos.

A tradución ao galego correu por conta de Xosé Antón Palacio Sánchez.

Personaxes

• Manolito García Moreno: é o protagonista, alegre, simpático e con sentido do humor. Vive coa súa familia en Carabanchel e ten dez anos.
• O Imbécil: é o irmán máis novo de Manolito. O seu verdadeiro nome é Nicolás García Moreno e ten 4 anos. Sempre anda a chuchar un chupete.
• Catalina: a nai de Manolito, é famosa polas súas azoutas. É bastante seria e nerviosa.
• Orellóns: non se sabe o seu verdadeiro nome, mais é o mellor amigo de Manolito, aínda que o acostuma traizoar, polo que tamén lle chama moitas veces porco traidor.
• Yihad: é o abusón do barrio que se dedica a esnaquizarlle os lentes a Manolito.
• O avó: é o avó materno de Manolito. Está xubilado e vive na casa da súa filla xunto ao resto da familia, polo que adoita pasar bastante tempo co seu neto. Acostuma vestir de chándal e ten unha especial predilección polos "tintos de verán", que, segundo Manolito, son a súa paixón. É o Travolta de Carabanchel.
• Manolo: é o pai do protagonista. É camioneiro.

Véxase tamén

Outros artigos

• Manolito Gafotas (serie de televisión)

Ligazóns externas

• Páxina Oficial (en castelán).