Cosméticos

Os cosméticos^[1] ou maquillaxe^[2] son produtos e substancias empregadas para alterar a aparencia ou olor do corpo humano. Xeralmente prodúcense sintéticamente a partir de mesturas de compostos químicos e/ou derivados de produtos naturais.^[3]

«Maquillaxe» redirixe aquí. Para outras páxinas con títulos homónimos, véxase Maquillaxe (homónimos).

Muller maquillada con varios cosméticos, incluíndo pintalabios, lapis de ollos, sombra de ollos e tinguidura no cabelo

Cosméticos e ferramentas de maquillaxe

O termo cosmético deriva do grego κοσμητικὴ τέχνη (kosmetikē tekhnē), que significa "técnica de vestimenta e adornos", e κοσμητικός (kosmētikos), "versado en ordenar ou arranxar".^[4]

Considéranse produtos cosméticos as cremas, locións, perfumes, pintalabios, laca de unllas, lapis de ollos, sombra de ollos, tinguiduras para o cabelo, deodorantes ou sales de baño entre outros.