Mar de Weddell

O mar de Weddell é unha ampla porción do océano Glacial Antártico comprendida entre a Península Antártica polo oeste, as illas Orcadas do Sur polo norte, a Terra de Coats e a Terra da Princesa Marta ao leste. Ao sur atópase a segunda barreira de xeo máis grande do mundo: o conxunto Filchner-Ronne, que se apoia na Terra de Edith Ronne, esta barreira rodea en gran parte á grande illa Berkner. Xunto ao litoral da Península Antártica está a barreira de xeo Larsen, cuxa parte norte colapsou rapidamente nos últimos anos.

Mar de Weddell

Tipo	mar marxinal
Epónimo	James Weddell (pt)
Parte de	Océano Antártico
Localización
Continente	Antártida
División administrativa	Rexión do Tratado Antártico
73°S 45°O
Características
Profundidade	6.820 m
Superficie	2.800.000 km²

Mar de Weddell.

Barreira de xeo.

A parte da Antártida localizada ao oeste deste mar, ata o mar de Ross, denomínase Antártida Occidental ou Menor, e ao leste, Antártida Oriental ou Maior.

A anchura máxima deste mar é duns 2.000 km, cubrindo unha área de 2,8 millóns de km².

Foi nomeado en honor ao mariño británico James Weddell que se internou neste mar en 1823 alcanzando os 74° S. Foi explorado amplamente por primeira vez polo escocés William S. Bruce entre 1902 e 1904. Foi neste mar que o barco de Shackleton, o Endurance foi atrapado e destruído polo xeo.

Crese que a separación do ex-continente Gondwana comezou no mar de Weddell.

Véxase tamén

Wikimedia Commons ten máis contidos multimedia na categoría:  Mar de Weddell