Micipsa

Micipsa (? - 118 a.C.) (en tifinagh: MKWSN), fillo e sucesor de Masinisa, foi un rei de Numidia. Herdou o trono en 148 a.C. e reinou durante preto de trinta anos.

Micipsa

Biografía
Nacemento	século II a. C. Cirta, Numidia
Morte	118 a. C. Numidia
Rei de Numidia
148 a. C. – 118 a. C.
Actividade
Ocupación	monarca
Familia
Fillos	Aderbal (rei da Numídia), Hiempsal I
Pai	Massinissa
Irmáns	Gulussa Mastanabal
Parentes	Iugurta, fillo adoptivo
Descrito pola fonte	Dictionary of African Biography, Реальный словарь классических древностей по Любкеру, 1885 Nordisk familjebok, 2nd edition (en)

Tumba de Micipsa.

Á morte do seu pai, o poder repartiuse entre Micipsa e os seus irmáns Gulussa e Mastanabal, que se ocuparon respectivamente da dirección do exército e da administración de xustiza. A súa política exterior foi unha continuación da de Masinisa, apoiando a Roma contra Cartago na terceira guerra púnica, e logo nas guerras lusitanas contra Viriato, nas que enviou arqueiros, tiradores de funda e elefantes a Escipión Emiliano.

Micipsa foi o pai de Hiempsal e Aderbal. Adoptou ao seu sobriño Iugurta (fillo do seu irmán Mastanabal) que chegou a ser no seu día rei de Numidia. Á súa morte, o reino dividiuse entre os tres, pero pronto impúxose Iugurta sobre os seus competidores.

Véxase tamén

Wikimedia Commons ten máis contidos multimedia na categoría:  Micipsa