Movemento rectilíneo uniforme

O movemento rectilíneo uniforme dun punto en relación a un referencial S ten lugar cando nese mesmo espazo o punto se move en liña recta con velocidade constante, é dicir, con aceleración nula.

Movemento rectilíneo uniforme. Representación gráfica da posición, velocidade e aceleración dun móbil en función do tempo.

En termos matemáticos, se ${\displaystyle {\vec {r_{(t)}}}}$ for a posición do punto e ${\displaystyle t}$ o tempo:

${\displaystyle {\frac {d{\vec {r}}}{dt}}={\vec {v}}=constante}$ ou ${\displaystyle {\vec {a}}={\frac {d{\vec {v}}}{dt}}={\frac {d^{2}{\vec {r}}}{dt^{2}}}={\vec {0}}}$

A distancia percorrida calcúlase multiplicando a magnitude da velocidade polo tempo transcorrido. Esta relación tamén é aplicable se a traxectoria non é rectilínea, con tal que a velocidade sexa constante.

A velocidade pode ser nula (repouso), positiva ou negativa. Polo tanto, o movemento pode ter dous sentidos; unha velocidade negativa representa un movemento en dirección contraria ao sentido que teñamos aceptado como positivo.

O MRU caracterízase por:

• Movemento que se realiza sobre unha liña recta.
• Velocidade constante; implica magnitude e dirección constantes.
• Aceleración nula.

Ecuacións do movemento

Sabemos que a velocidade ${\displaystyle v\,}$ é constante; isto significa que non existe aceleración.

Entón, a posición ${\displaystyle x\,}$ no instante ${\displaystyle t\,}$ vén dada por:

${\displaystyle x=x_{0}+vt\,}$

onde ${\displaystyle x_{0}\,}$ é a posición inicial.

Representación gráfica do MRU

Na representación da gráfica da velocidade en función do tempo obtense unha recta paralela ás abscisas (tempo). Ademais, a área baixo a recta producida representa a distancia percorrida.

A representación gráfica da distancia andada en función do tempo dá lugar a unha recta que ten como pendente o valor da velocidade.

Véxase tamén

Bibliografía

• Antonio Máximo, Beatriz Alvarenga (2004). Física General. México D.F.: Oxford University Press. ISBN 970-613-147-7. (en castelán)

Outros artigos

• Cinemática
• Movemento rectilíneo
• Movemento rectilíneo uniformemente acelerado

Ligazóns externas

• Movemento rectilíneo uniforme (en castelán)