Cultura musteriense

A cultura musteriense, ou período musteriano, refírese a unha cultura arqueolóxica que se desenvolve no paleolítico medio. Debe o seu nome ao sitio arqueolóxico de Le Moustier, un acubillo rochoso na rexión de Dordoña en Francia descuberto en 1860 por Gabriel de Mortillet. Ferramentas de pedra similares atopáronse por toda a Europa subártica e tamén no Oriente Medio e norte da África.

Cultura musteriense
Instancia de	cultura arqueolóxica
Parte de	Paleolítico Medio
Epónimo	Le Moustier (pt)
Data de comezo	CCCXIII milenio a. C.
Data de remate	hai 40.000 anos
Precedido por	cultura acheulense
Sucedido por	cultura baradostiana
Fontes e ligazóns
Descrito pola fonte Enciclopedia soviética armenia, volume 8 pp. 91 Encyclopædia Britannica 1911 Encyclopædia Britannica/Mousterian (en) Grande Enciclopedia Soviética (1926—1947) Q118536327 The Concise Oxford Dictionary of Archaeology (2nd ed.) (en) Grande Enciclopedia Soviética (1926—1947) Q113554579
[ Wikidata ] [ C:Commons ]

Un utensilio de comezos da Musteriense: núcleo de sílex procedente do nível TD-11, en Atapuerca

Características

As ferramentas musterianas asócianse principalmente cos neandertais en datas comprendidas entre o 125.000 a. C. e o 40 ou 30.000 a. C. A industria lítica realízase basicamente sobre lascas e caracterízase polo uso da técnica de talla Levallois, que permite realizar ferramentas máis especializadas.

Deste período aparecen os primeiros rituais funerarios e o canibalismo ritual.

O musteriano divídese en varios grupos:

• Musteriano de cultura acheulense tipo A
• Musteriano de cultura acheulense tipo B
• Musteriano típico
• Musteriano de tipo Quina-Farrasie
• Musteriano de denticulados