Células 3T3

As células 3T3 son unha liña celular establecida en 1962 polos científicos do Departmento de Patoloxía da Escola de Medicina da Universidade de Nova York George Todaro e Howard Green. A liña celular 3T3 converteuse na liña celular de fibroblastos estándar. Todaro e Green obtiveron orixinalmente as células 3T3 dun tecido embrionario de rato albino Swiss.^[1][2]

Fibroblastos NIH/3T3 en cultivo celular

Nomenclatura

O nome '3T3' é unha abreviación en inglés de "3-day transfer, inoculum 3×10⁵ cells" (transferencia de 3 días, inóculo de 3×10⁵ células). Esta liña celular foi establecida orixinalmente a partir de células fibroblásticas embrionarias primarias de ratos que foron cultivados por un protocolo denominado 'protocolo 3T3'. As células fibroblásticas embrionarias primarias de rato eran transferidas (de aí o "T") cada 3 días (o primeiro "3"), e inoculadas a un valor de densidade de 3×10⁵ células por 20 cm² de placa (o segundo "3") continuamente. As células espontaneamente inmortalizadas cunha velocidade de crecemento estable foron establecidas despois de 20 a 30 xeracións en cultivo e despois chamadas células '3T3'. Unha das liñas actuais é a "3T3-L1".^[3]

Características

As Swiss 3T3 poden ser inhibidas polo temazepam e outras benzodiazepinas. Estas células son tamén inhibidas por contacto. As células son sensibles á formación de focos do virus do sarcoma e da leucemia. As células 3T3 poden ser transformadwas co virus SV40 e outros poliomavirus.^[3]

Expresión

A lisofosfatidilcolina (lyso-PC) induce a actividade da AP-1 e a actividade da c-jun N-terminal quinase (JNK1) por medio dunha vía independente da proteína quinase C.^[3]

Citoxenética

As células de rato 3T3 son hipertriploides. O seu número modal de cromosomas é 68, que aparece no 30% das células. ´Poden aparecer ploidías máis altas a unha taxa moito menor do 2,4%.^[3]

Usos

As células 3T3 utilízanse a miúdo no cultivo de queratinocitos, xa que as células 3T3 segregan factores de crecemento favorables para esta tipo de células.