Niké

Niké,^[1] Nice ou Nike, (en grego antigo Νίκη, vitoria), segundo a mitoloxía grega, era a divindade da vitoria^[2][3] e o seu equivalente romano era a "Vitoria". Aparecía con corpo dunha doncela alada voando a gran velocidade que levaba unha palma e coroa de loureiro e representaba a vitoria no combate e nas competicións atléticas.

Niké

Biografía
Celebración	relixión da Grecia Antiga
Familia
Pais	Palas   e Estixia
Irmáns	Cratos Zelo Bía
Descrito pola fonte	Real'nyj slovar' klassicheskih drevnostej po Ljubkeru Dicionario Enciclopédico Brockhaus e Efron Novo Dicionario Enciclopédico, 1911-1916

Debuxo de Nike.

Referencias antigas

Hesíodo, convértea en filla do titán Palas e de Estixia sendo, polo tanto, irmá de Bía (a Violencia), Zelo (o Fervor) e Cratos (a Forza). Segundo a mitoloxía posterior, Estixia levounos a carón de Zeus cando este buscaba aliados entre os deidades olímpicas para a loita contra os Titáns,^[4] deidades máis antigas. Níke asumiu o papel de auriga divina,^[5] un papel no que tamén aparece na arte grega clásica, e voou polos campos de batalla recompensando aos vencedores con gloria e fama, simbolizada pola coroa de follas de loureiro. En sinal de gratitude, Zeus adoptou a Nike.

Os romanos coñecíana polo nome de Vitoria e, segundo a súa mitoloxía, foi educada por Palas, o heroe epónimo do Palatino, que lle construíu un templo no cume da cuíña palatina.

Nike aparece alada na maioría das estatuas e pinturas, sendo a Nike alada de Samotracia (exposta no Museo do Louvre) unha das máis coñecidas. Nike é a deusa da forza, a velocidade e a vitoria. Aínda que orixinalmente era consideraba unha deusa independente, trala batalla de Salamina (480 a. C.), quedou asociada a Atenea e mesmo, Nike, foi un alcume da deusa co significado de «vitoriosa», e pasou a ser representada como unha pequena escultura feminina sobre a palma da man da deusa na estatua de Atenea situada no Partenón.

Níke tamén é unha das imaxes máis presentes nas moedas gregas.^[6]

Hai múltiples nomes en moitas linguas que proveñen de Nike, como por exemplo: Nikolaos, Nicholas, Nicola, Nick, Nicolai, Niccolò, Nikolai, Nicolae, Nils, Klaas, Nicole, Ike, Niki, Nikita, Nikitas, Nika, Nieke, Naike, Niketas, Nikki, Nico, e Verónica .

Referencias contemporáneas

• A empresa de equipamiento deportivo Nike, Inc. leva o nome da deusa.^[7]
• Un sistema de mísiles antiaéreos estadounidense, lleva o nome de Proxecto Nike.^[8]
• Unha figura de da deusa cun buque foi o deseño do primeiro trofeo da Copa Mundial da FIFA, tamén coñecido como o trofeo de Jules Rimet.
• A imaxe da deusa forma parte do emblema da Universidade de Melbourne.^[9]
• O Spirit of Ecstasy, o adorno de campana empregado polo fabricante de automóbiles Rolls-Royce, está inspirado na imaxe da deusa.^[10]
• O logo da compañía de motocicletas Honda está inspirado na deusa.^[11]

Galería

• 
  O foguete Niké-Cajún.
• 
  Mísil Nike Ajax
• 
  Zapatillas deportivas Nike Laser IV KL
• 
  Representación de Niké nunha vasilla grega
• 
  Niké de Samotracia no museo do Louvre
• 
  Niké de Olimpia
• 
  Estatua de Niké no Museo de Historia Natural de Viena
• 
  Vista do templo de Atenea Nike na acrópole de Atenas.