Notacantiformes

Os Notacantiformes (Notacanthiformes) son unha orde de peixes teleósteos, da superorde dos Elopomorfos (Elopomorpha), que comprende especies de peixes mariños con forma de anguía, chamados anguías espiñosas e halosaurios.

Halosaur spp

Características

Aletas pectorais en posición relativamente alta; aletas pelvianas en posición abdominal, con 7-11 radios, habitualmente conectadas por unha membrana. Aleta anal de base longa, unida ó que queda da caudal. Vexiga natatoria presente. Algunhas especies teñen fotóforos.

Clasificación

ITIS considérao como a suborde Notacanthoidei, da orde Albuliformes. Outros autores, como FishBase, baseándose na desaparición da aleta caudal, considérannos orde propia.

Divídese en dúas familias:

• Familia Halosauridae (halosaurios)
• Familia Notacanthidae (anguías espiñosas)

Véxase tamén

Ligazóns externas

Commons ten máis contidos multimedia sobre:  Notacantiformes

Wikispecies posúe unha páxina sobre:  Notacantiformes

• Taxonomía Notacanthoidei (ITIS)
• Taxonomía FishBase