Perdita (lúa)

Perdita é un satélite interior de Urano. O descubrimento de Perdita foi complicado. As primeiras fotografías foron tomadas polas sonda espacial Voyager 2 no ano 1986, pero tardaron máis dunha década en ser recoñecidas coma unha nova lúa. En 1999, a lúa foi anunciada por Erich Karkoschka e notificada.^[1][4] Pero coma non se puideron tomar máis fotografías para confirma-la súa existencia, foi oficialmente descartada no 2001.^[5] Chegados ó 2003, imaxes tomadas polo Telescopio Espacial Hubble dirixidas a atopar algún tipo de obxecto onde se supuña que debería estar Perdita, deron finalmente coa confirmación da existencia da lúa.^[6][7]

Perdita

Descubrimento
Descuberta por	Erich Karkoschka / Voyager 2
Descuberta en	18 de maio de 1999 (a partir de imaxes tomadas o 18 de xaneiro de 1986)
Características orbitais
Radio orbital medio	76.417 ± 1 km[1]
Excentricidade	0,0012 ± 0,0005[1]
Período orbital	0,638021 ± 0,000013 d[1]
Inclinación	0,0 ± 0,3° (respecto do ecuador de Urano)[1]
Satélite de	Urano
Características físicas
Dimensións	30 × 30 × 30 km<[1]
Radio medio	15 ± 3 km[1]
Área superficial	~2.800 km²[2]
Volume	~14.000 km³[2]
Masa	~0,18 x 1017 kg[2]
Densidade media	1,3 g/cm3 (estimada)
Gravidade superficial	~0,0047 m/s2[2]
Velocidade de escape	~0,011 km/s[2]
Período de rotación	sincrónica[1]
Oblicuidade da eclíptica	cero[1]
Albedo	0,08 ± 0,01[3]
Temperatura superficial	~64 K[2]

Despois do seu descubrimento no 1999, Perdita recibiu a designación temporal de S/1986 U 10.^[4] Recibiría máis tarde o nome da filla de Leontes e Hermione na obra de William Shakespeare, The Winter's Tale. A lúa foi tamén designada coma Urano XXV.^[8]

A lúa orbita entre Belinda e Puck. As medicións arriba mencionadas do Hubble proban que Perdita non segue un movemento directo Kepleriano ó redor de Urano. Pola contra, está claramente nunha resonancia orbital de 43:44 coa veciña lúa Belinda. É tamén está moi próxima a ter unha resonancia orbital de 8:7 con Rosalinda.^[1][6]

Perdita pertence ó grupo de satélites Portia, o cal inclúe a Belinda, Bianca, Desdémona, Portia, Xulieta, Cupido, Rosalinda e Crésida.^[3] Estes satélites teñen características orbitais e propiedades fotométricas semellantes.^[3] Por desgraza, a parte da súa órbita,^[1][6] o seu radio de 15 km^[1] e ó seu albedo xeométrico de 0,08^[3], pouco máis se sabe deste astro.