Peroné

O peroné ou fíbula^[1] é un óso longo da parte externa da perna. Posúe unha epífise proximal, diáfise e epífise distal.

Peroné
fibula
Subclase de	óso longo, entidade anatómica particular, óso endocondral e bones of free part of lower limb (en)
Parte de	bones of free part of lower limb (en)
Conéctase con	tibia, astrágalo e crural fascia (en)
Composto por  cabeza de peroné  neck of fibula (en)  body of fibula (en)  maléolo (pt)
Fontes e identificadores
MeSH	D005360
Thesaurus do NCI	C12718
Terminologia Anatomica 98	A02.5.07.001
Descrito pola fonte Anatomía de Gray (20ª edición) pp. 260
[ Wikidata ] [ C:Commons ]

Estrutura e insercións musculares

• Epífise proximal: posúe unha apófise ósea e unha superficie articular pequena. Presta inserción ó músculo bíceps crural e o ligamento lateral externo do xeonllo na apófise; e ó músculo sóleo e peroneo lateral longo nesa superficie.
• Diáfise: tres superficies e tres bordos.
  • Superficie posterior: insírese o sóleo no terzo superior, o tibial posterior e os flexores dos dedos comúns e I dedo no terzo medio. No terzo inferior achamos os músculos peroneos laterais longo e curto, que só pasan por aquí, non se insiren
  • Superficie interna: hai febras de inserción do tibial anterior.
  • Superficie externa: insírense os peroneos laterais longo e curto.
  • Bordo anterior: moi afiado, sen insercións importantes.
  • Bordo interno: permite a inserción do ligamento interóseo.
  • Bordo externo: permite a inserción do tabique osteofibrótico externo.
• Epífise distal: o peroné remata no maléolo peroneo, que se artellará co astrágalo. Este maléolo permite a inserción do ligamento lateral externo do nocello.

Articulacións do peroné

• Articulacións tibio-peroneas
• Nocello