Arao xigante

O arao xigante (Pinguinus impennis) foi unha especie de ave non voadora da familia dos álcidos que se extinguiu a mediados do século XIX. Era a única especie moderna do xénero Pinguinus (non relacionados cos pingüíns, malia que foi a primeira ave en ser chamada pingüín). Aniñaba só en illas illadas e rochosas con fácil acceso ó océano e con moita comida, unha rareza na natureza que facía que tiveran moi poucos lugares de cría. Fóra da época de cría, os araos vivían nas augas do Atlántico norte, cunha área de distribución que abranguía dende o norte de España até as costas do Canadá, Groenlandia, Islandia, as Illas Feroe, Noruega, Irlanda e o Reino Unido.

Arao xigante Rango fósil: Plioceno temperán – Holoceno tardío
Espécime nº8 no museo de Kelvingrove, Glasgow
Estado de conservación
Extinto dende 1852[1]
Clasificación científica
Reino: Animalia Filo: Chordata Clase: Aves Orde: Charadriiformes Familia: Alcidae Xénero: Pinguinus Especie: impennis
Distribución aproximada (en azul)[2][3] Distribución aproximada (en azul)[2][3]
Sinonimia
Lista Alca impennis Linnaeus, 1758 Plautus impennis (Linnaeus, 1758) Brünnich, 1772 Pingouin impennis (Linnaeus, 1758) Buffon, 1817 Alca borealis Forster, 1817 Chenalopex impennis (Linnaeus, 1758) Vieillot, 1818 Alca major Boie, 1822 Mataeoptera impennis (Linnaeus, 1758) Gloger, 1842