Piragüismo en maratón

O piragüismo en maratón é un deporte no que os piragüistas vogan un kaiak ou unha canoa sobre unha longa distancia.

Proba do Campionato Europeo de Piragüismo en Maratón de 2018

Se ben a Federación Internacional de Piragüismo establece que as distancias estándar son ata 30 km, moitas carreiras son máis longas.^[1] Moitas probas inclúen seccións de ríos con correntes e portaxes para superar obstáculos. Non é unha modalidade olímpica e a máxima competición deste deporte é o Campionato Mundial de Piragüismo en Maratón.

Clases

As probas de piragüismo en maratón divídense xeralmente en diferentes clases. As máis comúns son:

• K1
• K2
• K4
• C1
• C2

K refírese a un kaiak e C a canoa.^[2] O número fai referencia ao número de padexeiros por embarcación.

Distancias

As distancias varían dependendo da clase, o sexo ou a idade. As distancias acostuman a ser as seguintes:

• 30 km: para as categorías kaiak masculino sénior.

• 26.25 km: para as categorías canoa, kaiak feminino sénior e kaiak masculino sub23.

• 22.5 km: para as categorías canoa e kaiak feminino sub23 e kaiak masculino júnior.

• 18.75 km: para as categorías canoa e kaiak feminino júnior.

  

  Tono Campos, cinco veces campión do mundo de piragüismo en maratón, realizando un tramo de portaxe.

Portaxes

Unha portaxe é aquela fase da competición na que o participante debe baixar da embarcación e cargar con ela a pé unha distancia de entre 100 e 300 metros en dirección ao punto no que debe continuar a súa carreira na auga.