Presidente da Federación Rusa
xefe de Estado e comandante en xefe do Exército ruso From Wikipedia, the free encyclopedia
Remove ads
O presidente da Federación Rusa ou presidente de Rusia (en ruso: Президент Российской Федерации; ou Президент России tr.: Prezidyent Rossiyskoy Fyederatsii ou Pryezidyent Rossii) é o xefe de Estado e supremo comandante en xefe do Exército. Aínda que a súa presentación constitucional aparenta máis neutralidade, o presidente da Federación exerce de facto xunto co Goberno federal e o seu primeiro ministro o Poder Executivo.
O Presidente da Federación é o garante da Constitución federal e gardián dos dereitos fundamentais do cidadán, e é xunto co Goberno o encargado de velar pola aplicación do poder do Estado en todo o territorio ruso. Salvagarda a soberanía da Federación e a independencia e integridade nacionais, e asegura o funcionamento coordinado e a interacción entre as distintas instancias do poder federal. Así mesmo, corresponde ao presidente federal establecer, de conformidade coa Constitución e as leis, as liñas esenciais da política interior e exterior do país.
O actual presidente da Federación de Rusia é o petersburgués Vladimir Putin, pertencente ao partido conservador Rusia Unida desde o 7 de maio de 2012.
Remove ads
Elección e cesamento
O presidente da Federación de Rusia é elixido polos cidadáns desta nacionalidade mediante sufraxio libre, universal, igual, directo e segredo, en votación popular celebrada cada seis anos[1] ao termo do mandato presidencial. O límite de mandatos para unha mesma persoa á fronte da presidencia federal é de dous consecutivos; non existe limitación no caso de mandatos separados.
Para ser elixido presidente requírese cumprir 35 anos e ter unha antigüidade de polo menos dez anos de residencia ininterrompida en Rusia.
Xuramento
Segundo o artigo 82 do capítulo 4 da Constitución de Rusia,[2] onde se regulan as eleccións do xefe de estado, o presidente electo debe prestar este xuramento durante o seu investidura:
Xuro en cumprimento dos meus deberes como presidente da Federación Rusa, respectar e protexer os dereitos e liberdades do home e de cidadán, respectar e protexer a Constitución da Federación Rusa, defender a soberanía e independencia, seguridade e integridade do Estado e servir fielmente ao pobo.[3].
Remove ads
Funcións e poderes
O presidente é o xefe de estado e a súa tarefa principal é preservar e protexer os dereitos e liberdades dos rusos, garantidos pola Constitución de Rusia. O presidente dirixe a política interior e internacional do goberno de Rusia. É tamén Comandante en Xefe das Forzas Armadas.
O presidente outorga as condecoracións estatais, resolve asuntos relativos á inmigración e ten o poder de conceder indultos.
Remove ads
Lista de presidentes de Rusia
Partidos: Independente Partido Comunista Ruso Noso Fogar é Rusia Rusia Unida
Residencias oficiais
En Moscova e arredores
As principais residencias oficiais do presidente atópanse no conxunto do Kremlin de Moscova:
- O Palacio do Senado (en ruso Сенатский дворец, Senatski dvorets) é o lugar de traballo do presidente e conta coa Oficina Presidencial, o Salón Cerimonial, a Biblioteca Presidencial, o Salón do Consello de Seguridade, o Salón dos Embaixadores (ou Heráldico) e o salón de Catalina.
- O Gran Palacio do Kremlin (Большой Кремлёвский дворец, Bolshoi Kremliovski dvorets) é usado para cerimonias oficiais e recepción de xefes de Estado, de Goberno ou o corpo diplomático.
- O edificio administrativo do Kremlin ou edificio 14 (Административный корпус Кремля, Administrativni korpus Kremlia) alberga as oficinas do equipo de traballo do presidente: a administración presidencial, a dirección protocolaria, a dirección de política exterior, a prensa, as oficinas do Secretario do Consello de Seguridade, dos axudantes e conselleiros do presidente, así como a Comandancia do Kremlin e a sede da Garda Federal.
Tamén en Moscova, pero non nas instalacións do Kremlin atópase:
- A casa de campo Gorki-9 (Горки-9), tamén coñecida como Barvikha (Барвиха), é onde habita o presidente Medvedev coa súa familia. Está na localidade de Barvikha (Барвихa), na zona residencial coñecida como Rubliovka (Рублёвка), 18 km ao oeste do centro de Moscova. Foi a residencia do antigo presidente Boris Eltsin. O presidente anterior, Vladimir Putin, segue vivindo na outrora residencia oficial de Novo-Ogariovo (Ново-Огарёво), na mesma zona que a casa do presidente actual.
- Ademais, preto desta, atópase o Castelo Mayendorf (Замок Майендорф, Zamok Mayendorf), sede da Secretaría da Presidencia, que se usa para festas e recepcións.
Fóra de Moscova
- O Palacio Konstantínovski (Константиновский дворец, Konstantínovski dvoréts) no suburbio Strelna de San Petersburgo.
- A casa de verán Bocharov Ruchéi (Бочаров ручей), na cidade portuaria de Sochi.
- A residencia Rus (Русь) na localidade de Zavídovo do óblast de Tver, a beiras do río Volga.
- Casa de campo en Shúiskaya Chupá (Шуйская Чупа) a 25 km ao norte de Petrozavodsk, Karelia
Remove ads
Notas
Véxase tamén
Wikiwand - on
Seamless Wikipedia browsing. On steroids.
Remove ads