Óso pube

O óso pube ou pube^[1][2] (denominación científica:os pubis) é a parte anterior do óso coxal ou ilíaco^[3].

Óso pube
os pubis
Instancia de	clase de entidade anatómica
Subclase de	zone of hip bone (en) , entidade anatómica particular e óso
Parte de	óso coxal
Conéctase con	triradiate cartilage (en)
Composto por  body of pubic bone (en)  superior pubic ramus (en)  inferior pubic ramus (en)
Fontes e identificadores
MeSH	D011630
Thesaurus do NCI	C33423
Terminologia Anatomica 98	A02.5.01.301
Descrito pola fonte Anatomía de Gray (20ª edición) pp. 236
[ Wikidata ] [ C:Commons ]

O termo pube (feminino) refírese por extensión tamén á parte inferior do abdome, que se cobre de pelo na puberdade^[4].

Partes

Está formado por:

• Un corpo anterior que liga co corpo do outro óso da pube, mediante a sínfise da pube.
• Unha rama superior que continúa co óso ilio (rama iliopúbica).
• Unha rama inferior que continúa co óso isquion (rama isquiopúbica).

Caracterización

As dúas ramas da pube delinean un triángulo central, chamado buraco obturador.

As ramas inferiores converxen no corpo da pube formando un ángulo agudo, que se abre inferiormente (dende dentro) con vértice na liña media, quedando as tuberosidades isquiáticas a ambos os dous lados.

Monte de Venus

A pube tamén é a rexión anatómica da pelve situada por riba ou sobre a sínfise pubiana, cuberta de peluxe, tamén chamada monte de Venus ou monte pubiano nas mulleres, que adoita estar máis elevada nas mulleres e nas persoas maiores. Corresponde á parte máis inferior do hipogastrio no abdome.