Plataforma Queremos Galego!

Queremos Galego! é unha plataforma cidadá, conformada por entidades de diferentes ámbitos e por persoas a título individual, que naceu en 2009 para artellar unha ampla resposta colectiva a prol da lingua galega, mediante a defensa e afirmación dos usos públicos e dereitos lingüísticos xa garantidos pola actual lexislación, e con intención de conseguir a progresiva normalización naqueles espazos onde o idioma de noso non goza aínda da presenza desexada.

Plataforma Queremos Galego!
Instancia de	institución cultural
Actividade
Obxectivo	normalización lingüística
Campo de traballo	lingua galega
Data
Fundación	2009
Fontes e ligazóns
Páxina WEB	queremosgalego.gal
Redes
[ Wikidata ] [ C:Commons ]

Manifestación de Queremos Galego! en Compostela.

Obxectivos

Queremos Galego!, segundo afirma na súa páxina web, naceu

tras un proceso de debate e reflexión colectiva arredor da difícil situación que está a vivir a lingua neste momento concreto. A un estado de saúde de por si preocupante, como reflicten todos os estudos elaborados até o momento, únese un elemento non menos grave: as medidas regresivas que no ámbito da lingua ou da cultura está a aplicar o actual goberno da Xunta xa desde os primeiros días da lexislatura.

Repercusión

Esta plataforma conseguiu adhesións desde diversos colectivos de distintos puntos de Galiza^[1]: asociacións culturais e deportivas, asociacións de nais e pais, partidos políticos, sindicatos etc.

A plataforma convocou dúas manifestacións en 2009 (unha o 17 de maio^[2] e outra o 18 de outubro^[3]) con importante éxito canto a número de persoas, e o 21 de xaneiro de 2010 convocou unha folga xeral no ensino e manifestación en Santiago de Compostela, que foi secundada pola maioría sindicatos, os partidos políticos da oposición, profesorado, alumnado, nais e pais, a MNL e diversos colectivos^[4][5][6].