Radiometría

A radiometría é a ciencia que se ocupa do estudo da medida da radiación electromagnética. O seu campo abrangue todas as lonxitudes de onda do espectro electromagnético (frecuencias entre 3×10¹¹ e 3×10¹⁶ Hz ou lonxitudes de onda de entre 0,01 e 1000 micrómetros), en contraste coa fotometría, que só se ocupa da parte visible do espectro, a que dá percibido o ollo humano.

A radiometría é importante en astronomía, especialmente na radioastronomía e en xeofísica. A medida cuantitativa da intensidade da radiación faise por medio de diferentes tipos de detectores que converten parte da radiación en calor ou nun sinal eléctrico, con termopares o fotodíodos.

Unidades

Unidades do SI utilizadas en radiometría

Magnitude física	Símbolo	Unidade do SI	Abreviatura	Notas
Enerxía radiante	Q	joule	J	Enerxía
Fluxo radiante	Φ	watt	W	Enerxía radiada por unidade de tempo. Potencia.
Intensidade radiante	I	watt por estereorradián	W·sr−1	Potencia por unidade de ángulo sólido
Radiancia	L	watt por estereorradián por metro cadrado	W·sr−1·m−2	Potencia. Fluxo radiante emitido por unidade de superficie e por ángulo sólido
Irradiancia	E	watt por metro cadrado	W·m−2	Potencia incidente por unidade de superficie
Emitancia radiante	M	watt por metro cadrado	W·m−2	Potencia emitida por unidade de superficie da fonte radiante
Radiancia espectral	Lλ ou Lν	watt por estereorradián por metro cúbico ou watt por estereorradián por metro cadrado por hertz	W·sr−1·m−3 ou W·sr−1·m−2·Hz−1	Intensidade de enerxía radiada por unidade de superficie, lonxitude de onda e ángulo sólido. Habitualmente medida en W·sr−1·m−2·nm−1
Irradiancia espectral	Eλ ou Eν	watt por metro cúbico ou watt por metro cadrado por hertz	W·m−3 ou W·m−2·Hz−1	Habitualmente medida en W·m−2·nm−1