Bugallón

O bugallón^[1] ou flámula^[1] (Ranunculus flammula) é unha especie da familia das ranunculáceas.

Ilustración

Vista da planta

Para outras páxinas con títulos homónimos véxase: Bugallón.

Bugallón
Ranunculus flammula
Clasificación científica
Reino: Plantae División: Magnoliophyta Clase: Magnoliopsida Orde: Ranunculales Familia: Ranunculaceae Subfamilia: Ranunculoideae Tribo: Ranunculeae Xénero: Ranunculus Especie: Ranunculus flammula

Descrición

Erecta ou rastreira, perenne, bastante carnosa, de 10–50 cm, con follas ovadas e amplas, lanceoladas, e unha ou varias flores amarelas de 7–20 mm de diámetro. 5 sépalos, amarelo averdados; 5 pétalos obovados, amarelo brillante pálido. A maioría das follas de arriba sen pecíolos, as de abaixo pecioladas, todas enteiras ou dentadas. Florea na primavera e no verán.^[2]

Hábitat

Brañas, prados moi húmidos, lameiros, turbeiras.

Distribución

Toda Europa, agás Turquía e Albania.

Taxonomía

Ranunculus flammula foi descrita por Carl von Linné e publicado en Species Plantarum 1: 548. 1753.^[3]

Citoloxía

Números cromosomáticos de Ranunculus flammula (Fam. Ranunculaceae) e taxons infraespecificos: n=16^[4][5]

Etimoloxía

Ranunculus: nome xenérico que provén do latín serodio que significa "ranciña", de "ra" e un diminutivo final. Isto probabelmente refírese a moitas especies que se atopan preto da auga, como as ras.

flammula: epíteto latino que significa "flámula", "pequena lapa".^[6]

Variedades

• Ranunculus flammula var. flammula
• Ranunculus flammula var. ovalis (J.M.Bigelow) L.D.Benson
• Ranunculus flammula subsp. scoticus (E.S.Marshall) Clapham

Sinonimia

• Flammula ranunculus Fourr.

var. flammula

• Ranunculus flammula var. angustifolius Wallr.

var. ovalis (J.M. Bigelow) L.D. Benson

• Ranunculus filiformis var. ovalis J.M. Bigelow
• Ranunculus flammula var. samolifolius (Greene) L.D. Benson
• Ranunculus reptans var. ovalis (J.M. Bigelow) Torr. & A. Gray
• Ranunculus reptans var. samolifolius (Greene) L.D. Benson
• Ranunculus samolifolius Greene

subsp. scoticus (E.S.Marshall) Clapham

• Ranunculus scoticus E.S.Marshall^[7]

Nome común

• Bugallón, flámula, centella, herba do pobre, herba dos esmoleiros, herba dos *humeros, lanzoa, lenzoá^[8].

O nome bugallón pode referirse ás especies de ranúnculos: Ranunculus acris e Ranunculus repens.