Reconstrución 3D

En visión por ordenador e gráficos por ordenador, a reconstrución 3D é o proceso de capturar a forma e a aparencia de obxectos reais. Este proceso pódese realizar por métodos activos ou pasivos.^[1] Se se permite que o modelo cambie a súa forma no tempo, isto denomínase reconstrución non ríxida ou espazo-temporal (tamén reconstrución 4D).^[2]

Reconstrución 3D da anatomía xeral da vista lateral dereita dunha pequena lesma de mar Pseudunela viatoris.

Motivación e aplicacións

A investigación da reconstrución 3D sempre foi un obxectivo difícil. Usando a reconstrución 3D pódese determinar o perfil 3D de calquera obxecto, así como coñecer a coordenada 3D de calquera punto do perfil. A reconstrución 3D de obxectos é un problema xeralmente científico e unha tecnoloxía básica dunha gran variedade de campos, como o deseño xeométrico asistido por ordenador (CAGD), gráficos por ordenador, animación por ordenador, visión por ordenador, imaxe médica, ciencia computacional, realidade virtual e medios dixitais etc. ^[3] Por exemplo, a información da lesión dos pacientes pódese presentar en 3D no ordenador, o que ofrece un enfoque novo e preciso no diagnóstico e, polo tanto, ten un valor clínico vital.^[4] Os modelos dixitais de elevación (Digital elevation models) pódense reconstruír usando métodos como a altimetría láser aerotransportada ^[5] ou o radar de apertura sintética.^[6]

Aplicacións:

A reconstrución 3D ten aplicacións en moitos campos. Inclúen:

• Enxeñaría de pavimentos ^[7]
• Medicina ^[8]
• Reconstrución de vídeo con punto de vista libre ^[9]
• Cartografía robótica ^[10]
• Urbanismo ^[11]
• Reconstrución tomográfica ^[12]
• Xogos ^[13]
• Contornas virtuais e turismo virtual ^[13]
• Observación da Terra
• Arqueoloxía ^[14]
• Realidade Aumentada ^[15]
• Enxeñaría inversa ^[16]
• Captura de movemento ^[17]
• Recoñecemento de obxectos 3D,^[18] recoñecemento de xestos e seguimento de mans.^[19]

A maioría dos algoritmos dispoñibles para a reconstrución 3D son extremadamente lentos e non se poden usar en tempo real. Aínda que os algoritmos presentados aínda están a comezar o seu desenvolvemento, pero teñen o potencial para un cálculo rápido.