Morcego pequeno de ferradura

O morcego pequeno de ferradura (Rhinolophus hipposideros) é a especie máis pequena do xénero Rhinolophus da rexión Paleártica; confúndeselle doadamante co Rhinolophus mehelyi e Rhinolophus euryale. Ten orellas grandes, cunha coloración dorsal parda máis ou menos escura e a parte ventral algo máis clara. As orellas e membranas alares sempre son máis escuras que o pelo do dorso. En estado de repouso envólvese totalmente coa membrana alar.

• talle - corpo de 3,7 a 4,5 cm.
• Envergadura - 19,2 a 29,5 cm.
• Peso - de 4 a 7 g.
• Voo - Altura media (4 a 5 m).

Morcego pequeno de ferradura
Rhinolophus hipposideros
Estado de conservación
Vulnerable
Clasificación científica
Reino: Animalia Filo: Chordata Clase: Mammalia Orde: Chiroptera Suborde: Microchiroptera Superfamilia: Rhinolophoidea Familia: Rhinolophidae Subfamilia: Rhinolophinae Xénero: Rhinolophus Especie: R. hipposideros
Nome binomial
Rhinolophus hipposideros (Beschstein, 1800)
Mapa de distribución Mapa de distribución
Subespecies
R. h. subsp. hipposideros, Berchstein, (1800). R. h. subsp. escaleare, K. Andersen, (1918). R. h. subsp. majori, K. Andersen, (1918). R. h. subsp. midas, K. Andersen, (1905). R. h. subsp. minimus, Heuglin, (1861). R. h. subsp. minutus, Montagu, (1808).

Distribución

É unha especie paleártica, que se estende lonxitudinalmente dende Irlanda, polo oeste, ata Caxemira polo leste. Ten unha ampla distribución latitudinal, que abarca dende as zonas montañosas de Etiopía e o Sudán, ata o sur de Alemaña e Polonia.

Hábitat

É de marcado carácter cavernícola, prefire áreas de cuberta vexetal arbustiva e arbórea, con presenza de augas superficiais. É capaz de ocupar altitudes moi amplas, con límite superior de 2.000 metros.

A reprodución prodúcese en colonias maioritariamente de femias. Teñen unha soa cría anual e as femias son fértiles dende os dous anos.

Aliméntanse principalmente de dípteros e nematóceros, aínda que en ocasións capturan presas sobre o chan.

Ameazas

Como a todas as especies de morcegos, as ameazas máis comúns son a destrución do hábitat e o uso indiscriminado de pesticidas agrícolas e forestais.

Véxase tamén

Commons ten máis contidos multimedia sobre:  Morcego pequeno de ferradura

Wikispecies posúe unha páxina sobre:  Morcego pequeno de ferradura

Outros artigos

• Catálogo galego de especies ameazadas

Ligazóns externas

• Rhinolophus hipposideros, en Wilson, D. E. & Reeder, D. M. (editors). 2005. Mammal Species of the World. A Taxonomic and Geographic Reference (3rd ed). (en inglés)