S/2003 J 4

S/2003 J 4 é unha lúa irregular retrógrada de Xúpiter. Foi descuberta por un grupo de astrónomos da Universidade de Hawaii encabezado por Scott S. Sheppard no ano 2003.^[1][2]

S/2003 J 4 ten uns 2 quilómetros de diámetro, e orbita Xúpiter a unha distancia media de 23,571 millóns de kms, tarda 739,294 días en completar unha órbita, ten unha inclinación de 147° con respecto á eclíptica (149° respecto do ecuador de Xúpiter), e posúe unha excentricidade orbital de 0,3003. Esta lúa pertence ó grupo de satélites Pasifae, un grupo de lúas retrógradas irregulares que orbitan ó redor de Xúpiter a unha distancia media de entre 22,8 a 24,1 millóns de kms, con inclinacións de entre 144,5° e 158,3°.