Sociedade Galega de Historia Natural

A Sociedade Galega de Historia Natural (SGHN) é unha asociación científica e cultural galega adicada ao estudo, divulgación, conservación e defensa do medio natural.^[1][2] A SGHN ten a súa sede en Santiago de Compostela e conta con delegacións en varias localidades galegas.^[1] Constituíuse en 1976 grazas ao movemento de persoas ligadas ao Grupo Ornitolóxico Galego que se fundara en 1973.^[2] Conta cun museo en Ferrol, actualmente nun edificio militar cedido ao concello, que conta con exposicións de interese biolóxico e xeolóxico.^[1]

Sociedade Galega de Historia Natural
Instancia de	sociedade científica
Actividade
Industria	ensino superior
Data
Fundación	1976
Localización
País	España
Sede	Santiago de Compostela
Fontes e ligazóns
Páxina WEB	sghn.org
Redes
[ Wikidata ]

Museo da Sociedade Galega de Historia Natural, en Canido, Ferrol

Actividades

A SGHN ten a súa sede en Santiago de Compostela e delegacións en Sada, Ferrol, Ourense e Pontevedra. Conta coas seccións:

• Astronomía e contaminación luminosa (con sede en Ferrol)
• Botánica
• Entomoloxía (sede en Vilagarcía de Arousa)
• Herpetoloxía (sede en Vilagarcía de Arousa)
• Mamíferos mariños (sede en Ferrol)
• Museo de Historia Natural (sede en Ferrol)^[3]
• Ornitoloxía (sede en Santiago de Compostela)

Publicacións

As publicacións da SGHN inclúen revistas, atlas e censos de aves (tamén on-line) ^{[4][5][6][7][8]}, routeiros e monografías co fin de divulgar a súa actividade, presentar diversas investigacións e fomentar o coñecemento do medio natural galego. A totalidade do importe recaudado pola venda das publicacións e calquera material propio da SGHN destínase ós fins estatuarios da SGHN: estudar, divulgar e protexer o medio natural.