Tiburón de Groenlandia

O tiburón de Groenlandia ou peixe momo^[2] (Somniosus microcephalus) tamén coñecido en groenlandés como eqalussuaq, é unha especie de gran tiburón da familia Somniosidae, estreitamente relacionado coa especie Somniosus antarcticus.^[3] A distribución da especie está restrinxida ó norte do océano Atlántico e ó océano Ártico.

Tiburón de Groenlandia
Estado de conservación
Case ameazada[1]
Clasificación científica
Reino: Animalia Filo: Chordata Clase: Chondrichthyes Orde: Squaliformes Familia: Somniosidae Xénero: Somniosus Especie: S. microcephalus Bloch & Schneider, 1801
Distribución do tiburón de Groenlandia Distribución do tiburón de Groenlandia
Sinonimia
Squalus squatina (Linnaeus, 1758) Squalus carcharis (Gunnerus, 1776) Somniosus brevipinna (Lesueur, 1818) Squalus borealis (Scoresby, 1820) Squalus norvegianus (Blainville, 1825) Scymnus gunneri (Thienemann, 1828) Scymnus glacialis (Faber, 1829) Scymnus micropterus (Valenciennes, 1832) Leiodon echinatum (Wood, 1846) Somniosus antarcticus (Whitley, 1939)

Ten a esperanza de vida máis longa de tódolos vertebrados (polo menos 392 ± 120 anos) e está entre as especies de tiburóns meirandes. Na súa adaptación á vida nas profundidades mariñas,^[4] ten a maior concentración de N-óxido de trimetilamina nos seus tecidos, o que fai que a súa carne sexa tóxica.^[5]

A carne de tiburón de Groenlandia tratada para reducir os niveis de toxinas é consumida en Islandia, un manxar coñecido como kæstur hákarl.^[6]