Espirúridos

Nas clasificacións tradicionais, a dos espirúridos (Spirurida) é unha orde de nematodos da clase dos secernénteos.

Espirúridos Spirurida
Microfilaria de Wuchereria bancrofti
Clasificación científica
Reino: Animalia Filo: Nematoda Clase: Secernentea Orde: Spirurida Chitwood, 1933
Superfamilias
Véxase o texto
Sinonimia
Véxase o texto

Algunhas das súas especies, como as filarias,^[1] poden producir enfermedides en humanos. Nesta orde está o maior nematodo coñeocido, Placentonema gigantissima, parasito da placenta dos cachalotes; as femias maduras alcanzan os 8 m de lonxitude, cun diámetro de só 2,5 cm, e posúen 32 ovarios que producen unha enorme cantidade de óvulos.^[2]

Características

A rexión bucal posúe normalmente dous labios laterais, aínda que pode haber catro ou máis. O orificio bucal pode ter dentes. Os anfidios están xeralmente situados en posición lateral, aínda que nalgúns grupos poden localizarse inmediatamente por detrás dos labios. O esófago divídese normalente nunha porción anterior muscular e nunha porción posterior glandular, dilatada. As larvas posúen en xeral unha espiña cefálica que usan para perforar a envoltura do ovo, e un fasmidio en forma de poro na cola.^[2]

Bioloxía

Os espirúridos utilizan un vertebrado no seu ciclo de vida. O hospedeiro definitivo é un mamífero, unha ave ou un réptil, raramente un anfibio.^[2]

Taxonomía

Descrición

A orde foi descrita en 1933 polo nematólogo estadounidense Benjamin Goodwin Chitwood.

Sinónimo

A orde coñécese tamén polo sinónimo moderno:^[3]

• Espiruromorfos (Spiruromorpha) De Ley & Blaxter, 2002.^[3]

Clasificación

Segundo o WoRMS, o grupo comprende as seguintes superfamilias:^[3]

• Acuarioidea Railliet, Henry & Sisoff, 1912
• Aproctoidea Skrjabin & Shikhobalova, 1945
• Camallanoidea Travassos, 1920
• Filarioidea Chabaud & Anderson, 1959
• Habronematoidea Ivaschkin, 1961
• Physalopteroidea Railliet, 1893
• Rictularoidea Railliet, 1916
• Spiruroidea Oerley, 1885
• Thelazioidea Skrjabin, 1915

O BioLib, pola súa parte, considera a orde dividida en dúas subordes:^[4]

• Camallanina, coas superfamilias:^[5]
  • Camallanoidea
  • Dracunculoidea

• Spirurina, coas superfamilias:^[6]
• Acuarioidea
• Aproctoidea
• Diplotriaenoidea
• Filarioidea
• Gnathostomatoidea
• Habronematoidea
• Physalopteroidea
• Rictularioidea
• Spiruroidea
• Thelazioidea

Nota taxonómica

Nas clasificacións modernas, por exemplo no WoRMS, este taxon considérase como a orde dos Espiruromorfos (Spiruromorpha) De Ley & Blaxter, 2002, da sublcase dos cromadorios (Chromadoria).^[7]