Tórax (artrópodos)

O tórax (do grego antigo "θώραξ" thórax, "coiraza")^[1] dos artrópodos é o tagma ou rexión do corpo situado entre o céfalon (cabeza) e o abdome.

Vista lateral do tórax dun díptero.

Vista dorsal do tórax dun díptero.

O termo aplícase a crustáceos e insectos, a pesar de que non son tagmas homólogos. Con frecuencia, a cabeza e o tórax fusiónanse parcial ou totalmente para formaren o cefalotórax, como ocorre en moitos crustáceos e quelicerados; nestes últimos, o termo apropiado para designalo é prosoma.

Os miriápodos teñen o corpo dividido en cabeza e tronco, de modo que non teñen tórax diferenciado.