T.S.O.L. (EP)

T.S.O.L. é o EP de estrea da banda estadounidense de hardcore punk T.S.O.L. (True Sounds of Liberty), publicado en 1981 a través do selo Posh Boy Records. Os seus tempos rápidos e as súas letras politicamente radicais estableceron á banda como unha das principais forzas da escena hardcore do sur de California da época. Porén, T.S.O.L. afastouse rapidamente do tema político de esquerdas, mudando cara ao rock gótico e cambiando de selo a Frontier Records para editar o seu álbum Dance with Me (1981). Isto levou a unha disputa co propietario de Posh Boy, Robbie Fields, quen afirmou que a banda lle debía outro EP ao seu selo. As dúas partes finalmente chegaron a un acordo no que Posh Boy gañou os dereitos do EP Weathered Statues de 1982 de T.S.O.L., combinándoo co EP de estrea no álbum recompilatorio de 1987 Thoughts of Yesterday: 1991-1992. Nitro Records mercou os masters a Posh Boy en 1997 e volveu publicar os dous EPs como o recompilatorio T.S.O.L. / Weathered Statues.

T.S.O.L.
EP de T.S.O.L.
Data de edición:	1981
Lanzamento:	{{{lanzamento}}}
Datas de gravación:	marzo de 1981
Estudio(s) de gravación:	Brian Elliot Recording, Os Ánxeles
Duración:	7:37
Xénero musical:	hardcore punk
Selo discográfico:	Posh Boy Records
Producido por:	Robbie Fields
Cronoloxía
- T.S.O.L. Dance with Me

Listaxe de cancións

Tódolos temas escritos e compostos por Jack Grisham, Ron Emory, Mike Roche, e Todd Barnes. 

Cara A
N.º	Título	Duración
1.	"Superficial Love"	1:18
2.	"Property Is Theft"	1:25
3.	"No Way Out"	1:10

Cara B
N.º	Título	Duración
1.	"Abolish Government / Silent Majority"	1:59
2.	"World War III"	1:45
7:37