TCP/IP

O modelo TCP/IP ou modelo de referencia de Internet é unha descrición abstracta para un deseño de protocolo de rede de comunicación entre ordenadores. Ten unha estrutura moito menos definida que a do modelo OSI, e que se axusta mellor para o seu uso nas redes de comunicación de ordenadores actual.

TCP/IP
Subclase de	protocolo de rede (pt)
Parte de	TCP/IP model (en)
Semellante a	Transmission Control Protocol / Internet Protocol (en)
Medio usado	Protocolo IPv4 e Protocolo IPv6
Composto por
Composto por  TCP  Protocolo de Internet
[ Wikidata ]

Non existe un documento que especifique o modelo de xeito oficial, pero habitualmente especificase nun modelo de 4 capas (aínda que existen outros que definen 5 capas).

• Capa de aplicación. Nesta capa operan os protocolos de nivel superior, como SMTP, FTP, SSH, HTTP etc...
• Capa de transporte. Define o control de fluxo e protocolos de conexión. Ocúpase de abrir e pechar conexións, asegurando que os paquetes son realmente recibidos. Fundamentalmente utiliza os protocolos UDP e TCP.
• Capa de rede. Define os enderezos IP, con variados esquemas para encamiñar paquetes dun IP a outro.
• Capa de acceso á rede. Describe o equipo que conecta fisicamente o equipo á rede, así como os protocolos de baixo nivel utilizados. En moitos casos esta capa subdivídese en dúas capas, unha física e outra de enlace.