Factor de crecemento transformante beta 2

O factor de crecemento transformante beta 2 (TGF-β2) é unha proteína segregada que funciona como citocina e realiza moitas funcións celulares e ten un papel vital durante o desenvolvemento embrionario. Outros nomes que recibe son: factor supresor de células T derivado do glioblastoma^[1], G-TSF, inhibidor do crecemento das células BSC-1, polierxina, cetermina. Está codificado polo xene TGFB2 do cromosoma 1 humano. Trátase dunha proteína extracelular glicosilada. Suprime os efectos dos tumores de células T dependentes de interleucina. Hai dúas variantes desta proteína, xeradas por empalme alternativo a partir de transcritos do mesmo xene.

TGFB2 procedente de PDB 1tfg .
Identificadores
Símbolo	TGFB2
Símbolos alt.	LDS4; TGF-beta2
Entrez	7042
OMIM	190220
RefSeq	NP_001129071
UniProt	P61812
Outros datos
Locus	Cr. 1 :(218.35 – 218.44 Mb)

A estrutura do TGF-2 foi determinada e o seu monómero ten un núcleo hidrofóbico e un pregamento non globular alongado. Presenta oito cisteínas que forman 4 pontes disulfuro intracadea agrupadas na rexión central formando unha rede complementaria de pontes de hidróxeno. Unha novena cisteína serve para formar un dímero mediante unha ponte de hidróxeno, o cal está estabilizado por dúas caras hidrofóbicas.^[2][3]