Talco

O talco ou esteatita (do árabe tal q) é un mineral da clase dos silicatos cuxa fórmula química é Mg₃Si₄O₁₀(OH)₂ e que cristaliza no sistema monoclínico. Ráiase facilmente coa unlla, por iso na Escala de Mohs tómase coma patrón da menor dureza posible.

Talco
Talco masivo
Información xeral
Clase	Silicatos
Subclase	Filosilicatos
Sistema cristalino	Monoclínico
Propiedades físicas
Cor	Branca, gris, amarela, vermella, parda e verdosa
Brillo	De anacarado a graxo
Dureza	1
Exfoliación	Perfecta, en láminas
Fractura	Irregular ou concoide
Raia	Branca
Densidade	2,7-2,8 g/cm3
Propiedades ópticas
Clasificación
Outros datos
Referencias

Talco cristais.

Aspecto

Aínda que a súa cor pode variar pola presenza de impurezas, e típico que o talco apareza coa súa cor branca de forma masiva. Este mineral raras veces aparece en cristais ben formados.

Lugares onde se atopa

Fórmase pola metamorfose de silicatos de magnesio como a olivina ou o anfíbole.

Os principais explotadores de talco son Estados Unidos, China e Europa de onde proceden máis de dous terzos da produción mundial.

Usos do talco

O talco utilízase en diversas aplicacións. En forma de po utilízase como recheo na fabricación do papel e cartolinas, para lacas e pinturas, na industria cerámica (é un bo aditivo de gomas e plásticos) e no mundo da cosmética.

Pola súa resistencia ás elevadas temperaturas utilízase na fabricación de materiais termorresistentes.

Utilízase incluso coma aditivo na industria alimentaria (E553b).

Outros silicatos

Outros silicatos importantes son:

A olivina, o cuarzo e as micas.