Throwing Muses

Throwing Muses é unha banda de rock alternativo estadounidense formada no ano 1981 en Newport, Rhode Island.^[1] O grupo tocou extensamente ata 1997, momento no que os seus membros comezaron a centrarse noutros proxectos.

Throwing Muses
Orixe	Newport, Rhode Island,
Período	1981 - 1997 2002 - presente
Xénero(s)	rock alternativo, post-punk
Selo(s) discográfico(s)	4AD, Sire Records, Warner Bros. Records
Membros	Kristin Hersh David Narcizo Bernard Georges
Antigos membros	Tanya Donelly Leslie Langston Fred Abong Elaine Adamedes Becca Blumen
Artistas relacionados	50 Foot Wave, Lakuna, Belly, The Breeders
Na rede
throwingmusic.com

A banda orixinalmente estivo liderada por dúas irmanastras, Kristin Hersh e Tanya Donelly, que compoñían os temas do grupo.^[1] Throwing Muses son coñecidos por interpretar música con ritmos cambiantes, polas súas progresións de acordes creativas, estruturas pouco ortodoxas e letras surrealistas.^[1]

O grupo diferenciouse doutros artistas contemporáneos polo estilo de escritura franco de Hersh; as harmonías vocais e o estilo pop de Donelly; e as técnicas pouco comúns de David Narcizo evitando o uso dos pratos. As letras alucinantes e febrís de Hersh ocasionalmente tocan o tema das enfermidades mentais, debuxando retratos de personaxes da vida cotiá ou abordando relacións.

Discografía

Álbum	Ano	Selo
Throwing Muses	1986	4AD
House Tornado	1988	4AD/Sire Records
Hunkpapa	1989	4AD/Sire Records
The Real Ramona	1991	4AD/Warner Bros. Records
Red Heaven	1992	4AD/Warner Bros. Records
University	1995	4AD/Sire Records/Reprise Records
Limbo	1996	4AD/Rykodisc/Throwing Music
Throwing Muses	2003	4AD
Purgatory / Paradise	2013	Throwing Music
Sun Racket	2020	Fire Records
Moonlight Concessions	2025	Fire Records