Arroaz do Indopacífico

O arroaz do Indopacífico, Tursiops aduncus (Ehrenberg, 1833) é unha especie de cetáceo odontoceto da familia dos delfínidos que vive en augas da India, o norte de Australia, o sur da China, o mar Vermello, e a costa oriental de África.^[2]

Arroaz do Indopacífico Tursiops aduncus
Comparación co tamaño dun humano
Clasificación científica
Reino: Animalia Filo: Chordata Subfilo: Vertebrata Clase: Mammalia Subclase: Theria Infraclase: Eutheria Orde: Cetacea Suborde: Odontoceti Infraorde: Delphinida Superfamilia: Delphinoidea Familia: Delphinidae Subfamilia: Delphininae Xénero: Tursiops Especie: T. aduncus
Nome binomial
Tursiops aduncus (Ehrenberg, 1833) [1]
Sinonimia
Referencia:[1] Delphinus aduncus Ehrenberg, 1833 Tursiops nuuanu Andrews, 1911

Taxonomía

A especie foi descrita en 1833 por Christian Gottfried Ehrenberg, baixo o nome de Delphinus aduncus.^[1] Posteriormente foi adscrita ao xénero Tursiops, que describira Paul Gervais en 1855 e, durante moito tempo, pensouse que era coespecífica con Tursiops truncatus.

Pero, en base a estudos de concordancia xenética, osteoloxía e morfoloxía externa, determinouse que esta especie é taxonomicamente distinta de T. truncatus.^[3]

O status taxonómico de varias subpoboacións de Tursiops (por exemplo fronte as costas de Suráfrica e o oeste de Australia é cuestionábel, e o xénero pode dividirse aínda máis.^[4]

Características

Alcanza até 2,6 m de lonxitude e un peso de até 230 kg. A súa coloración é gris escura no dorso e gris clara ou abrancazada con manchas grises na rexión ventral.