Vulva

A vulva é a parte externa do órgano xenital feminino. Externamente pode ser revestida por pelos pubianos.^[1] Está constituída polos grandes labios (labia majora), revestidos internamente por tecido muscular. Enseguida hai un par de pregas mais finas, os pequenos labios (labia minora), que poden ou non estar incluídos nos grandes labios. No interior dos labios encóntrase o clítoris, o orificio urinario (abertura da uretra) e o orificio xenital (abertura da vaxina).

Vulva
vulva
Instancia de clase de entidade anatómica
Subclase de pudendo órgano feminino órgano sexual entidade anatómica particular
Parte de aparato reprodutor feminino sistema urinario
Drenaxe linfática linfonodos inguinais superficiais
Irrigado por arteria pudenda interna
Drenado por veas pudendas internas
Inervado por nervio pudendo
Composto por monte de Venus pudendal cleft (en) Labios clítoris vaginal orifice (en)
Identificadores MeSH D014844 Thesaurus do NCI C12408 TA 98 A09.2.01.001 CIE-11 475546725 MedlinePlus 002343 OpenAlex C2776316342 e C2911206564
Fontes e ligazóns  Descrito pola fonte Anatomía de Gray (20ª edición) pp. 1264 Redes
Wikidata C:Commons

Histoloxía

A vulva posúe pequenos labios e grandes labios con tecido conxuntivo no medio, sendo que nos grandes labios existe mais tecido adiposo que nos pequenos.

Existen glándulas de Bartholin que xeran un problema anatopatolóxico: son glándulas grandes cun único ducto excretor. A glándula é acinosa e serosa.

Cando se dá un traumatismo nese tubo e se produce un edema, a secreción fica comprimida e a muller ten unha “bartolinite”. Nalgunhas doenzas como a gonorrea ese epitelio é traumatizado, a glándula fica inflamada e causa bartolinite. O ducto excretor desa glándula está na base dos pequenos labios.

O clítoris é un gran corpo cavernoso ou un corpo esponxoso que en realidade é un amontoado de vasos capilares de paredes con fiestras, de forma que cando entra sangue neses vasos, o clítoris entumécese.