Xaquín Marín

Xaquín Bieito Marín Formoso, nado en Ferrol o 10 de outubro de 1943, é un debuxante e ilustrador galego.

Xaquín Marín

Biografía
Nacemento	10 de outubro de 1943 (80 anos) Ferrol, España
Datos persoais
Outros nomes	Xaquín Marín
País de nacionalidade	España
Actividade
Ocupación	debuxante de banda deseñada , debuxante
Lingua	Lingua galega
Premios (1997)  Premio Galicia de Periodismo (1991)  Premio Paleta Agromán (1989)  Premio Galicia de Periodismo (1984)  Premio Galicia de Periodismo (1982)  Premio Paleta Agromán

Traxectoria

Destacan algunhas tiras cómicas onde describe e critica con ironía a situación da lingua galega. Con máis de 20 anos de carreira, traballou facendo tiras en xornais nacionais e internacionais como La Codorniz, Hermano Lobo, Diario 16, Le Telegramme, Teima, A Nosa Terra, El Ideal Gallego ou La Voz de Galicia. Premiado en varias ocasións, destacan o primeiro premio da Bienal de Gábrovo e conta con dúas Paletas de Agromán no seu haber. Dirixiu o Museo do Humor de Fene. No 2013 foi distinguido co premio Bo e Xeneroso da AELG.

Obra publicada

Banda deseñada e humor gráfico

• 2 viaxes, con Reimundo Patiño, 1975, Brais Pinto, Madrid.
• Ratas, 1977, Madrid. Segunda edición en 2006 en Edicións Embora.
• Gaspariño, 1978, Edicións do Rueiro.
• Alcacén para gaitas, 1980, Ediciós do Castro.
• Gaspariño 2, 1982, Xerais.
• Dos pés á testa, 1986, Galaxia.
• Conta atrás, 1988, Ediciós do Castro.
• Cen pés, 1996, Ediciós do Castro.
• Feito á man, 1997, Xunta de Galicia.
• Trinta e tantos con Xaquín Marín, 2001, edición do autor.
• Cen + cen pés, 2007, Embora.
• O lecer de Isolino, 2008, Embora.
• As dúas viaxes de Xaquín Marín, 2010, El Patito.

Ensaio

• O ABC do cómic, 1995, Baía.

Literatura infanto-xuvenil

• Dragón rock, 1999, Casals.
• Malfeito bufón, 2003, Casals.
• Tartaruga, 2007, Baía.
• O traxe novo do emperador, 2007, Embora.

Obras colectivas

• O humor en cadriños. Conversas con Siro, Xaquín Marín, Xosé Lois, Gogue e Pepe Carreiro, de Félix Caballero, 2012, Morgante.

Galardóns

• Premios da Crítica Galicia de Artes Plásticas e Visuais no 2015.
• XII Premio Rosalía de Castro de Lingua da Deputación da Coruña en 2021.^[1]

Notas

1. "Xaquín Marín, Agrupación Ío e Twitter en galego gañan os Rosalía de Lingua". Nós Diario. Consultado o 2021-06-15.

Véxase tamén

Bibliografía

• "Marín Formoso, Xaquín Bieito". Enciclopedia Galega Universal. Ir Indo. 1999-2002. ISBN 84-7680-288-9.
• "Marín, Xaquín". Gran Enciclopedia Galega Silverio Cañada (DVD). El Progreso. 2005. ISBN 84-87804-88-8.