Zitkala-Ša

Zitkala-Ša (en dakota: "paxaro vermello"), nada o 22 de febreiro de 1876 e finada o 26 de xaneiro de 1938,^[1] era unha escritora, editora, música, mestra e activista síux, tamén coñecida polo seu nome cristián Gertrude Simmons Bonnin. Escribiu varias obras nas que relatou os seus problemas identitarios na mocidade e a división entre a cultura maioritaria e a súa herdanza nativa americana. Os seus derradeiros traballos en inglés levaron as historias tradicionais do seu pobo ós lectores brancos por primeira vez na historia.

Zitkala-Ša

Biografía
Nacemento	22 de febreiro de 1876 Reserva india Yankton, Dacota do Sur
Morte	26 de xaneiro de 1938 (61 anos) Washington, D.C.
Lugar de sepultura	Cemiterio Nacional de Arlington
Presidenta National Council of American Indians (en)
1926 – 1938
Datos persoais
Grupo étnico	Síux
Educación	Earlham College (pt)
Actividade
Campo de traballo	Folclore
Ocupación	Escritora, editora, músico, mestra e activista
Período de actividade	1900 -
Empregador	Carlisle Indian Industrial School (1899–1901)
Membro de	Sociedade de Indios Americanos
Instrumento	Violín
Familia
Cónxuxe	Raymond Bonnin
Fillos	Son, Ohiya
Nai	Thaté Iyóhiwiŋ
Descrito pola fonte	Forgotten Women: The Leaders (en) Obálky knih, Native American Women: A Biographical Dictionary

Con William F. Hanson, Bonnin compuxo a primeira ópera nativa americana, The Sun Dance (composta baseándose no estilo do pobo ute e en temas síux), que foi estreada en 1913.^[2] Fundou o Consello Nacional dos Indios Americanos en 1926 co obxectivo de loitar polos dereitos civís dos nativos. Serviu como presidenta até a súa morte en 1938.^[3]

Obra traducida ao galego

• A infancia perdida, Colección "Indomeables", autoedición, 2020. Tradución e edición de María Reimóndez.