costeleta

Substantivo feminino

costeleta (sg: costeleta; pl: costeletas)

1. (Alimentación) Peza de carne obtida dun corte transversal do lombo, formada pola propia carne e un fragmento de costela e do corpo vertebral.
   • Exemplo: Entre os dous acabaron cunha fonte de costeletas.
     

1. • Observacións: Reciben diferentes nomes segundo a parte do lombo da que procedan: costeletas de agulla ou de cabezada (procedentes das primeiras vértebras dorsais), costeletas de lombo (procedentes da zona comprendida entre a 5ª e a 13ª vértebra) ou de pau (así chamadas por conservar parte de costela correspondente); e costeletas de solombo ou da rileira (da zona lumbar, que levan unha pequena tallada de solombo).

Termos relacionados

• costela, costelar, costeleiro

Traducións

• Castelán: costilleta ^(es), chuleta ^(es)
• Inglés: chop ^(en)