From Wikipedia, the free encyclopedia
Eduardo Germán Hughes Galeano (heñóikuri ára 3 jasyporundy ary 1940-pe, táva Montevideo, Uruguái retãme - 13 jasyrundy, ary 2015). Marandumyasãihára, mombe’uhára ha haira’ãhára. Ha’éniko peteĩ ára anduha (arandu) ijojahaỹva, ipyapy, iñe’ẽresakuaite ha ipy’aguasúva.
Eduardo Galeano | |
Eduardo Galeano, ary 2008 | |
Téra teñõikua | Eduardo Germán María Hughes Galeano |
Teñõi | 3 jasyporundy, ary 1940 Montevideo, Uruguái |
Mano | 13 jasyrundy, ary 2015 Montevideo, Uruguái |
Nacionalidad | Uruguái |
Área | Purory |
Tembiapokue | Las venas abiertas de América Latina |
14 ary ombotývo oñepyrũ omba’apo marandumyasãihápe, omoherakuãháme ta'ãngamimi ha’e ojapóva ha hasýgui pe herajoapy peteĩha (Hughes), ha’evoi ojeherókuri “Gius”. Uperiremínte, oñepyrúvo omyasãi umi hembihai, oipurúntema pe herajoapy mokõiha ha upe guive opyta Galeano-pe. Hekove pukukuépe ojapóma opaite mba’e: parehára ha ta’ãngahaihára, mba’apohára mymbachu’ijukaha ojejapohápe, irujerurehára, haipya’ehára ha virurerekuára virurógape. Oikundaha, oikuaa, oñandu pypuku ha ohayhu ko ñande Amérika rekove ha rembiasa’asy.
Oñepyrũrõguare 1960-pe, oikova’ekue chugui haihára ruvicha kuatiahaipyre “Marcha”-pe. Ary 1964-pe oisãmbyhy kuatiahaipyre “Epoca”. Ary 1973-pe, ijetu’úgui hendive, oho oiko Argentina-pe ha upépe omoheñói ha oisãmbyhy kuatiahaipyre “Crisis”. Ary 1975 oho España-pe ha oiko Calella, Barcelona-pe. Upépe oirõguare heta hembihai omyasãikuri opaichagua kuatiahaipyre rupi; ha upekuévo omba’apo peteĩ pukoe Alemaña-gua ndive ha avei peteĩ ta’ãngambyry Méhiko-pegua ndive.
Omano ára 12 jasyrundy ary 2015-pe, táva Montevideo-me.
Hembiapo apytépe jajuhukuaa.
Ary 1985 guive, Eduardo Galeano oikojey táva Montevideo-pe omba’apohápe, jepiveguáicha ñe’ẽporãhaipyre apópe ha marandumyasãihárõ.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.