Mesopotámia
From Wikipedia, the free encyclopedia
From Wikipedia, the free encyclopedia
Mesopotámia niko ojeheroháicha pe yvy ojejuhúva umi ysyry Tigris ha Éufrates apytépe, Kuarahyresẽ Aguĩguápe, pe yvy oñemyasãiva Iráke retã guive Síria retã rembe'y peve. Tuichaitépe jaipuru ko yvy réra ñañe'ẽsévo Ára Ymaguare rehegua, oĩrõguare upépe tetã guasu ko'ágã ndaiporivéima ha táva guasu ipu'akaitéva, umíva apytépe ikatu ja'e Ur, Assur, Vavilónia, Nínive ha Urúke.[1]
Ko yvýpe ojehecha tetã guasu hembieja tuichaitereíva, umíva apytépe niko oĩ Suméria, Akádia, Vavilónia Mburuvi ha Asíria, tetãnguéra imba'ehetáva, hembiasakue pukúva ha ipu'akaitéva, oñemomba'e hikuái ko yvýre heta ára aja ho'a peve Vavilónia ha oñembojára hese pe Mburuvi akeménida, upe niko oiko amo ary 539 Kirito mboyve. Ha upéi, Alehándoro pe Tuicháva oñemomba'e Mesopotámia rehe amo 332 Kirito mboyve, ha omano rire oiko ko yvýgui Mburuvi seléusida mba'e, Gyrésia Ymaguare poguýpe.[2] Oĩvo ko yvy Mburuvi páyto poguýpe tuichaite oñorairõ hese Rróma Mburuvi, Rróma katu oñembojára Mesopotámia yvy vore rehe. Upe rire oiko chugui Péysia mba'e oguahẽ meve umi musulmã oñemomba'e hag̃ua hese.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
