jekupyty'ỹ Kuarahyresẽ Mbytegua ha Áfrika Yvatevoguápe From Wikipedia, the free encyclopedia
Tetãnguéra árave ha Israel ñombohovái ha'e ñe'ẽ ojeipurúva oñemombe'u hag̃ua jekupyty'ỹ ha ñorairõ oĩva umi tetã árave Kuarahyresẽ Mbyteguápe ha Áfrika Yvatevoguápe ha pe tetã Israel. Oñombohovái kuri hikuái ary 1948 guive ko'ágã meve.
Tetãnguéra árave ha Israel ñombohovái | ||
---|---|---|
| ||
Arange | 14 jasypo 1948-ko'ágã | |
Tenda | Kuarahyresẽ Mbytegua | |
Ipaha |
Oiko gueteri
| |
[editar datos en Wikidata] |
Umi tetã árave ha Israel ñombohovái oñepyrũ oñokarãimikuévo umi árave ha hudío oikóva Paletína Tavetã Joaju poguýpe, ho'a rire Mburuvi otománo. Hudiokuéra ojaposévo hetãrã ha he'i ha'eha imba'e ymaite guive pe yvy, aravekuéra ojapose avei peteĩ hetãrã Paletínape ha he'i hikuái pe yvy mba'eguasuitéva Islã jeroviápe.
Ojejapo rire tetã hudío isãsóva upépe, ary 1948 jave, oñemosãsokuévo Israel. Upe aryitépe oñepyrũ hikuái oñorairõ, upe aja aravekuéra ojapo tetã Paletína yvy ojeheróva Gása ha Sihorytáñame. Israel ipu'aka ko ñorairõme ipahápe, ha Paletína retã ñesãmbyhy oho va'erã Ehítope.
Ary 1967 jave, tetãnguéra árave ha Israel oñorairõ jey pe Poteĩ Ára Ñorairõme, Israel ipu'akárõguare oñemomba'ekuévo Gása ha yvyapy Sinai rehe, Ehíto mba'éva kuri, upéicha avei oñemomba'e heta yvýre Horytáñame ha Síriape. Oñorairõ vaiete avei hikuái 1973 jave, oikóvo Yom Kippur Ñorairõ.
Arykuéra pukukuévo, ndaiporivéima kuri ñorairõ vaiete tetãnguéra árave ha Israel apytépe, ojehechánte katu jekupyty'ỹ ha ñorairõ sapy'agua Paletína ha Israel apytépe. Jepémo, oĩ gueteri heta mba'e aravekuéra ha hudiokuéra noñe'ẽpeteĩri, tuichaitépe yvy apekue ha tetãnguéra oñohembe'yhápe.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.