Mimby

Mimby ha'e niko tembipu yvypóra ipeju rupi oñembopúva. Ojejapo mimby ndahasýigui, ojehecha opa avano'õme oparupi ko tembipu, oñeimo'ã avei mimby hína pe tembipu ojeipurúva ha ojejaporaẽ amo 67.000 ary ojapo.^[1]

El pífano. Ta'anga ojapo Edouard Manet (1886), ojehecha mitã'i ombopúva mimby.

Mimby hína mba'e apu'a ipukúva ha ipo'íva, yvyra térã kuarepoti ijapopyre (hákatu ikatu ojeipuru mymba kangue, marfil, itavera, plástico ha heta mba'e ambuéva), ha oreko heta kuára imichĩva ha ijapu'áva ipirekáre, ijapýra nandi ha upe rupi ojeipeju va'erã oñembopu hag̃ua. Oĩ avei mimby yvypóra itĩ peju rupi oñembopúva.

Oñembotývo ha ojeipe'ávo umi kuára ipirekáre oñemoambue ipu, ha upéicha oñeñatõi hekopete.