From Wikipedia, the free encyclopedia
અલિસિયા ઓગેલો કૂક (જન્મ 25 જાન્યુઆરી, 1981), જે પોતાના સ્ટેજના નામ અલિસિયા કીઝથી વધુ જાણીતી છે, તે અમેરિકન રેકોર્ડિંગ કલાકાર, સંગીતકાર અને અભિનેત્રી છે.
વિકિપીડિયાના માપદંડ મુજબ આ લેખને ઉચ્ચ કક્ષાનો બનાવવા માટે તેમાં સુધારો કરવાની જરુર છે. તેમાં ફેરફાર કરીને તેને સુધારવામાં અમારી મદદ કરો. ચર્ચા પાના પર કદાચ આ બાબતે વધુ માહિતી મળી શકે છે. |
અલિસિયા કીઝ | |
---|---|
Keys at the 2013 ARIA Music Awards in Sydney, Australia | |
જન્મ | ૨૫ જાન્યુઆરી ૧૯૮૧ Hell's Kitchen |
અભ્યાસ સંસ્થા | |
વ્યવસાય | અભિનેતા, art collector, દિગ્દર્શક |
શૈલી | પોપ સંગીત |
જીવન સાથી | Swizz Beatz |
માતા-પિતા | |
પુરસ્કારો | |
વેબસાઇટ | https://aliciakeys.com |
સહી | |
ન્યુયોર્ક શહેરના મેનહટ્ટનમાં આવેલા હેલ્સ કિચન વિસ્તારમાં રહેલી એકલી માતા દ્વારા તેનો ઉછેર કરવામાં આવ્યો હતો. સાત વર્ષની ઊંમરે તે પિયાનો પર શાસ્ત્રીય સંગીત વગાડતી હતી. તેણે પ્રોફેશનલ પરફોર્મિંગ આર્ટ્સ સ્કૂલમાં ભણીને 16 વર્ષની વયે શ્રેષ્ઠ દેખાવ કરનાર તરીકે સ્નાતકની પદવી મેળવી હતી. ત્યારબાદ સંગીત ક્ષેત્રે કારકિર્દી બનાવવા તે છોડીને કોલંબિયા યુનિવર્સિટીમાં જોડાઈ હતી. કીઝે પોતાનું પહેલું આલ્બમ જે રેકોર્ડઝ સાથે કર્યું હતું, તે અગાઉ તે કોલંબિયા અને ત્યારબાદ અરિસ્ટા રેકોર્ડઝ સાથે રેકોર્ડ સોદા કરી ચૂકી હતી.
કીઝના પહેલા આલ્બમ સોંગ્સ ઇન અ મીરર ને વ્યાવસાયિક સફ્ળતા મળી હતી, સમગ્ર વિશ્વમાં તેની 12 મિલિયન કોપી વેચાઈ હતી. તે 2001માં સૌથી વધુ વેચાતા આલ્બમની નવી કલાકાર અને સૌથી વધુ વેચાતી આર એન્ડ બી (R&B)ની કલાકાર બની હતી. આ આલ્બમને કારણે કીઝે 2002માં પાંચ ગ્રેમી એવોર્ડઝ મેળવ્યા હતાં, તેમાં "ફેલીન" માટે શ્રેષ્ઠ નવી કલાકાર અને વર્ષનું સૌથી શ્રેષ્ઠ ગીતનો સમાવેશ થાય છે. તેનું બીજુ સ્ટુડિયો આલ્બમ, ધ ડાયરી ઓફ અલિસિયા કીઝ 2003માં બહાર પડયું હતું અને તેને પણ વિશ્વભરમાં સફળતા મળી હતી, તેની આઠ મિલિયન કોપી વેચાઈ હતી. આ આલ્બમને કારણે તેને વધુ ચાર ગ્રેમી એવોર્ડઝ 2005માં મળ્યા હતા. તે વર્ષના ઉત્તરાર્ધમાં તેણે પોતાનું પહેલું લાઇવ આલ્બમ અનપ્લગ્ડ બહાર પાડયું હતું, જેને અમેરિકામાં પ્રથમ સ્થાન મેળવ્યું હતું. તે પહેલી મહિલા હતી જેના એમટીવી અનપ્લગ્ડ આલ્બમે પ્રથમ સ્થાન મેળવ્યું હતું અને 1994માં નિર્વાણાથી તે સૌથી અગ્રેસર રહ્યું હતું.
તે પછીના વર્ષોમાં કીઝે ટેલિવિઝનની કેટલીક શ્રેણીઓમાં મહેમાન કલાકાર તરીકે ભૂમિકા ભજવી હતી, તેની શરૂઆત ચાર્મ્ડ સાથે થઇ હતી. તેણે સ્મોકિન એસિસ દ્વારા ફિલ્મ ક્ષેત્રે પદાર્પણ કર્યું અને તે 2007માં ધ નેની ડાયરીઝ માં પણ જોવા મળી. તેનું ત્રીજુ સ્ટુડિયો આલ્બમ, એઝ આઇ એમ , તે જ વર્ષમાં બહાર પડયું હતું અને સમગ્ર વિશ્વમાં તેની છ મિલિયન કોપી વેચાઇ હતી, જેના કારણે કીઝને વધુ ત્રણ ગ્રેમી એવોર્ડઝ મળ્યા હતા. તે પછીના વર્ષમાં તે ધ સિક્રેટ લાઇફ ઓફ બિઝ માં દેખાઇ હતી, જેને એનએએસીપી (NAACP) ઇમેજ એવોર્ડઝમાં નોમિનેશન મળ્યું હતું. તેને પોતાનું ચોથુ આલ્બમ, ધ એલિમેન્ટ ઓફ ફ્રિડમ ડિસેમ્બર 2009માં બહાર પાડયું હતું, જે બ્રિટનમાં કીઝનું પહેલું ચાર્ટમાં ટોચનું સ્થાન મેળવનાર આલ્બમ હતું. સમગ્ર કારકિર્દી દરમ્યાન, કીઝે અસંખ્ય એવોર્ડઝ મેળવ્યા હતાં અને સમગ્ર વિશ્વમાં તેના 30 મિલિયન આલ્બમ વેચાયા હતા. બિલબોર્ડ મેગેઝિને તેને 2000-2009ના દાયકાની ટોચની આર એન્ડ બી (R&B) કલાકારનું બિરૂદ આપ્યું હતું, અને તેને પોતાના સમયની શ્રેષ્ઠ અને સૌથી વધુ વેચાતી કલાકારમાંની એક ગણાવી હતી. 2010માં, વીએચ1 (VH1) એ કીઝનો સમાવેશ અત્યાર સુધીના 100 મહાન કલાકારોની યાદીમાં કર્યો હતો.[1]
કીઝનો જન્મ અલિસિયા ઓગેલો કૂક તરીકે 1981માં 25મી જાન્યુઆરીએ ન્યુ યોર્કના ન્યુ યોર્ક સીટીના મેનહટ્ટનના હેલ્સ કિચન વિસ્તારમાં થયો હતો.[2][3][4] તે ટેરેસા ઓગેલોની પુત્રી અને એકમાત્ર સંતાન હતી, તેની માતા પેરાલિગલ(વકીલની મદદ કરનાર) અને પાર્ટ ટાઇમ અભિનેત્રી હતી,અને ક્રેગ કૂક, ફ્લાઇટ એટેનડન્ટ હતાં.[5][6][7][8] કીઝની માતા સ્કોટિશ, આઇરિશ અને ઇટાલિયનની વંશજ, અને તેના પિતા આફ્રિકન અમેરિકન છે.[9] કીઝે જણાવ્યું હતું કે તે પોતાના ભાતીગળ વારસાથી ખુશ છે કારણ કે તેણે અનુભવ્યું છે કે તે પોતાના વારસાને કારણે "વિવિધ સંસ્કૃતિઓ સાથે તાદાત્મ્ય સાધી શકતી હતી".[3][10] બે વર્ષથી હતી ત્યારે તેના માતા-પિતા છૂટા પડયા હતા અને તેનો ઉછેર અને ઘડતર તેની માતાએ મેનહટ્ટનમાં હેલ્સ કિચનમાં કર્યો હતો.[11] 1985માં, ચાર વર્ષની ઊંમરે કીઝે ધ કોસ્બી શો માં ભાગ લીધો હતો, જેમાં તેણે બીજી છોકરીઓના ગ્રુપ સાથે "સ્લમ્બર પાર્ટી" એપિસોર્ડમાં રૂબી હક્સટેબલના સ્લીપઓવર ગેસ્ટ્સ(બીજાના ઘરમાં રાતવાસો કરનાર)ની ભૂમિકા ભજવી હતી.[12][13] બાળપણમાં તેની માતા તેને સંગીત અને નૃત્ય શીખવા મોકલતી હતી.[14] સાત વર્ષની ઊંમરે તેણે પિયાનો વગાડવાનું શરૂ કર્યું અને તેણે બીથોવન, મોઝાર્ટ અને ચોપીન જેવા સંગીત રચિયતાઓ પાસેથી શાસ્ત્રીય સંગીતની શિક્ષા લીધી હતી.[5] 12 વર્ષની ઊંમરે કીઝ પ્રોફેશનલ પરફોર્મિંગ આર્ટ્સ સ્કૂલમાં જોડાઇ હતી, જ્યાં તે ગાયકવૃંદમાં જોડાઇ હતી અને 14 વર્ષની ઊંમરે ગીતો લખવાનું શરૂ કર્યું હતું.[6][15] ત્રણ વર્ષમાં તેણે શ્રેષ્ઠ દેખાવ કરનાર તરીકે સ્નાતકની પદવી મેળવી ત્યારે તેની ઊંમર 16 વર્ષની હતી.[16] કોલંબિયા યુનિવર્સિટીમાં તેને પસંદગી થઇ હતી અને કોલંબિયા રેકોર્ડ્સ તરફથી રેકોર્ડિંગનો કરાર મળ્યો હતો, તેણે બંને બાજુ ધ્યાન આપવાનો પ્રયત્ન કર્યો હતો પણ સંગીતમાં કારકિર્દી બનાવવા તેને ચાર અઠવાડિયામાં કોલેજ છોડવી પડી.[16][17]
કીઝે જરમેઇન ડુપરી અને સો સો ડેફ રેકોર્ડિંગ્સ સાથે ડેમો ડીલ પર હસ્તાક્ષર કર્યા હતા,જેમાં તે લેબલ્સ ક્રિસમસ આલ્બમ "ધ લિટલ ડ્રમર ગર્લ" માં પ્રદર્શન કર્યું હતું. તેણે "ડે ડી ડા(સેક્સી થીંગ)" ગીત લખવામાં સહકાર આપ્યો હતો અને તેને રેકોર્ડ કર્યું હતું,જે 1997ની ફિલ્મ મેન ઇન બ્લેક માં પણ આવ્યું હતું.[17] આ ગીત કીઝનું પહેલું વ્યવસાયિક રેકોર્ડિંગ હતું, જોકે, તે ક્યારેય એકલુ બહાર પડયું નહોતું અને લેબલ સાથેના વિવાદ બાદ કોલંબિયા સાથેના તેના રેકોર્ડ કરારનો અંત આવ્યો હતો. કીઝને ક્લાઇવ ડેવિસ દ્વારા બોલાવવામાં આવી, જેમને કીઝ તેના પરફોર્મન્સ દ્વારા "ખાસ અને અનોખી" કલાકાર લાગી હતી અને એરિસ્ટા રેકોર્ડસ સાથે તેને કરાર પર હસ્તાક્ષર કર્યા, જેનો પાછળથી ભંગ થઇ ગયો હતો.[2][3] કીઝ પોતાના સ્ટેજ પરના નામ તરીકે વાઇલ્ડની પસંદગી કરી ચુકી હતી પણ તેના મેનેજરે પોતે જોયેલા એક સ્વપ્ર બાદ તેને કીઝ નામનું સૂચન કર્યું. કીઝને લાગ્યું કે તે નામ એક કલાકાર અને વ્યક્તિ તરીકે તેનું પ્રતિનિધિત્વ કરે છે.[18] ડેવિસના નવા રચાયેલા જે રેકોર્ડસ લેબલ સાથે તેણે "રોક વિથ યુ" અને "રિયર વ્યુ મિરર" ગીતો રેકોર્ડ કર્યા હતા, જે પાછળથી ફ્લ્મ્સિ શેફ્ટ (2000) અને ડો. ડુલિટલ 2 (2001)માં જોવા મળ્યા હતા.[19][20]
કીઝે પોતાનું પહેલુ સ્ટુડિયો આલ્બમ સોંગ્સ ઇન અ મિરર જૂન 2001માં બહાર પાડયું હતું. બિલબોર્ડ 200માં તેને પ્રથમ સ્થાન પ્રાપ્ત કર્યું હતું અને પહેલા સપ્તાહમાં તેની ૨૩૬,000 કોપી વેચાઇ હતી.[21] અમેરિકામાં આ આલ્બમની 6.2 મિલિયન કોપી વેચાઇ હતી,[22] જ્યાં તેને રેકોર્ડિંગ ઇન્ડસ્ટ્રી એસોસિએશન ઓફ અમેરિકા(આરઆઇએએ (RIAA)) દ્વારા છ વાર પ્લેટિનમ દ્વારા પ્રમાણિત કરવામાં આવી હતી.[23] સમગ્ર વિશ્વમાં તેની 12 મિલિયન કોપી વેચાઇ હતી,[24] તેના કારણે કીઝને અમેરિકાની અંદર અને બહાર લોકપ્રિયતા મળી હતી, જ્યાં તે જેની સૌથી વધુ કૃતિઓ વેચાય છે તેવી શ્રેષ્ઠ નવી કલાકાર અને 2001ની જેની સૌથી વધુ કૃતિઓ વેચાય છે તેવી આર એન્ડ બી (R&B) કલાકાર બની હતી.[25] આલ્બમનું મુખ્ય ગીત "ફેલીન'" બિલબોર્ડ ના હોટ 100માં છ સપ્તાહ સુધી પહેલા સ્થાને રહ્યું હતું.[26] આલ્બમનું બીજુ ગીત "એ વુમન્સ વર્થ" તે જ ચાર્ટ પર ત્રીજા નંબરે રહ્યું હતું.[27] તે પછીના વર્ષમાં, આ આલ્બમ રિમિક્સ એન્ડ અનપ્લગ્ડ ઇન અ મિરર તરીકે ફ્રી બહાર પડયું હતું, જેમાં મૂળ ગીતની આઠ રિમિક્સ અને સાત અનપ્લગ્ડ આવૃત્તિઓનો સમાવેશ કરાયો હતો.
2002 ગ્રેમી એવોર્ડઝમાં સોંગ્સ ઇન અ મિરર ને કારણે કીઝે પાંચ એવોર્ડ્ઝ જીત્યા હતાઃ સોંગ ઓફ ધ ઇયર, બેસ્ટ ફિમેલ આર એન્ડ બી (R&B) વોકસ પરફોર્મન્સ, અને ફેલીન માટે બેસ્ટ આર એન્ડ બી (R&B) સોંગ, બેસ્ટ ન્યુ આર્ટિસ્ટ, અને બેસ્ટ આર એન્ડ બી (R&B) આલ્બમ, રેકોર્ડ ઓફ ધ ઇયર માટે "ફેલિન'"ને નોમિનેશન પણ મળ્યું હતું. એક રાતમાં પાંચ ગ્રેમી એવોર્ડઝ મેળવનાર કીઝ બીજી મહિલા સોલો કલાકાર બની હતી, તે પહેલા લૌરિન હીલને 41માં ગ્રેમી એવોર્ડઝમાં આ રીતે એવોર્ડઝ મળ્યા હતા.[28] તે જ વર્ષે તેણે ક્રિસ્ટીના એગલેરા સાથે આગામી આલ્બમ સ્ટ્રાઇપ્ડ માટે જોડાણ કર્યું હતું, જેનું મુખ્ય ગીત "ઇમ્પોસિબલ" કીઝે લખ્યું હતું તેનું સહ-નિર્માણ કર્યું હતું અને પાશ્વ ગાયન કર્યું હતું.[29] 2000ના પૂર્વાર્ધમાં, કીઝે પણ ટેલિવિઝન શ્રેણીઓ ચાર્મ્ડ અને અમેરિકન ડ્રીમ્સ માં ભૂમિકા ભજવી હતી.[5]
ત્યારબાદ કીઝે ધ ડાયરી ઓફ અલિસિયા કીઝ દ્વારા પદાર્પણ કર્યું, જે ડિસેમ્બર 2003માં બહાર પડયું હતું. બિલબોર્ડ 200માં તેને પ્રથમ સ્થાન મેળવ્યું હતું, અને બહાર પડયાના પહેલા સપ્તાહમાં તેની 618,000 કોપી વેચાઇ હતી, અને 2003માં કોઇ મહિલા કલાકાર માટે તે પહેલા સપ્તાહનું સૌથી વધુ વેચાણ બન્યું હતું.[30] અમેરિકામાં તેની 4.4 મિલિયન કોપી વેચાઇ હતી અને આરઆઇએએ (RIAA) દ્વારા તેને ચાર વાર પ્લેટિનમ દ્વારા પ્રમાણિત કરવામાં આવ્યું હતું.[23][31] સમગ્ર વિશ્વમાં તેની આઠ મિલિયન કોપી વેચાઇ હતી,[32] અને તે મહિલા કલાકારનું છઠ્ઠુ સૌથી વધુ વેચાતુ આલ્બમ અને મહિલા આર એન્ડ બી (R&B) કલાકારનું બીજુ સૌથી વધુ વેચાતુ આલ્બમ બન્યું હતું.[33] "યુ ડોન્ટ નો માય નેમ" અને "ઇફ આઇ એન્ટ ગોટ યુ" બંને ગીતો બિલબોર્ડ હોટ 100ના ચાર્ટ પર ટોચના પાંચ ગીતોમાં સ્થાન પામ્યા હતા. અને ત્રીજુ ગીત "ડાયરી" ટોચના દસ ગીતોમાં સ્થાન પામ્યું હતું.[34][35][36] ચોથા ગીત "કર્મા"ને બિલબોર્ડ હોટ 100માં ઓછી સફ્ળતા મળી હતી, તે 20માં સ્થાને રહ્યું હતું.[37] "ઇફ એન્ટ ગોટ યુ" એક મહિલા કલાકારનું પહેલુ એવુ ગીત હતું જે બિલબોર્ડ હોટ આર એન્ડ બી (R&B) હીપ હોપ સોંગ્સના ચાર્ટ પર એક વર્ષ સુધી રહ્યું હતું.[38]
કીઝને "ઇફ આઇ એન્ટ ગોટ યુ" માટે 2004 એમટીવી વિડિયો મ્યુઝિક એવોર્ડઝમાં શ્રેષ્ઠ આર એન્ડ બી (R&B) વિડિયોનો એવોર્ડ મળ્યો હતો, તેણે આ ગીત અને "હાયર ગ્રાઉન્ડ" લેની ક્રેવિઝ તેમજ સ્ટીવ વન્ડર સાથે ભજવ્યું હતું.[39][40] તે જ વર્ષમાં કીઝે પોતાનું પુસ્તક તે જ વર્ષમાં કીઝે પોતાનું પુસ્તક ટીયર્સ ફેર વોટરઃ સોંગબૂક ઓફ પોયમ્સ એન્ડ લિરિક્સ પ્રકાશિત કર્યું હતું , જેમાં તેના જર્નલ્સ અને લિરિક્સની પ્રકાશિત ન થયેલી કવિતાઓ હતી. તેનું મથાળું તેની એક કવિતા "લવ એન્ડ ચેઇન્સ"ની એક લાઇન "આઇ ડોન્ટ માઇન્ડ ડ્રીંકીંગ માય ટિયર્સ ફેર વોટર" પરથી લેવામાં આવ્યું હતું.[41] તેણે જણાવ્યું હતું કે આ મથાળુ તેના લેખનકાર્યનો પાયો હતો કારણ કે "મેં જે કંઇ લખ્યું છે તે મારા આનંદના અશ્રુઓ, પીડા, દુઃખ, હતાશા અને પ્રશ્નોમાંથી પણ ફ્ટયું છે".[42] આ પુસ્તક 500,000 યુએસ ડોલરમાં વેચાયું હતું અને કીઝે ધ ન્યુ યોર્ક ટાઇમ્સ 2005ની બેસ્ટસેલરની યાદીમાં સ્થાન મેળવ્યું હતું.[43][44] તે પછીના વર્ષમાં તેણે "કર્મા"ના વિડિયો માટે એમટીવી વિડિયો મ્યુઝિક એવોર્ડઝમાં બીજો શ્રેષ્ઠ આર એન્ડ બી (R&B) વિડિયોનો એવોર્ડ મેળવ્યો હતો.[45] કીઝે "ઇફ એન્ટ ગોટ યુ" ભજવ્યું અને 2005ના ગ્રેમી એવોર્ડઝમાં જેમી ફેક્સ અને ક્વિન્સી જોન્સ સાથે રે ચાલ્સે 1950માં બનાવેલા હોગી કારમાઇકલ ગીત "જ્યોર્જિયા ઓન માય માઇન્ડ" ભજવ્યું હતું.[46] તે સાંજે તેણે ચાર ગ્રેમી એવોર્ડઝ : "ઇફ આઇ એન્ટ ગોટ યુ" માટે બેસ્ટ ફિમેલ આર એન્ડ બી (R&B) વોકલ પરફોર્મન્સ, "યુ ડોન્ટ નો માય નેમ" માટે બેસ્ટ આર એન્ડ બી (R&B) સોંગ, ધ ડાયરી ઓફ અલિસિયા કીઝ માટે શ્રેષ્ઠ આર એન્ડ બી (R&B) આલ્બમ, બે વ્યક્તિ કે ગ્રુપમા ગીતો સાથે બેસ્ટ આર એન્ડ બી (R&B) પરફોર્મન્સનો એવોર્ડ "માય બૂના ગીતો માટે મળ્યો હતો.જેમાં તેની સાથે બીજા સહાયકો પણ હતા.[47]
કીઝે તેની બાકી રહેલી એમટીવી અનપ્લગ્ડ શ્રેણીને જુલાઇ 2005માં બ્રૂકલિન એકેડેમી ઓફ મ્યુઝિકમાં બાકીનું પરફોર્મ અને રેકોર્ડિંગનું કામ કર્યું હતું.[48] આ સમય દરમિયાન, કીઝે તેના મૂળ ગીતોમાં નવી ગોઠવણ કરી હતી અને કેટલાંક પસંદગીના કવર્સ ભજવ્યા હતા.[49] આ સેશન ઓક્ટોબર 2005માં સીડી અને ડીવીડીમાં બહાર પડયું હતું. અનપ્લગ્ડ ના સાદા ટાઇટલ સાથેનું આલ્બમ યુએસ બિલબોર્ડ 200ના ચાર્ટ પર પ્રથમ સ્થાને રહ્યું હતું અને બહાર પડયાના પહેલા સપ્તાહમાં તેના 196,000 યુનિટ વેચાયા હતા.[50] યુનાઇટેડ સ્ટેટ્સમાં તેના આલ્બમની એક મિલિયન કોપી વેચાઇ હતી, જ્યાં તેને આરઆઇએએ (RIAA) દ્વારા પ્લેટિનમ દ્વારા પ્રમાણિત કરવામાં આવી હતી અને સમગ્ર વિશ્વમાં તેની બે મિલિયન કોપી વેચાઇ હતી.[5][23][51] નિર્વાણાના 1994 ન્યુયોર્કમાં એમટીવી અનપ્લગ્ડ ગ્ની શરૂઆત થઇ ત્યારથી કીઝના અનપ્લગ્ડ ની પ્રથમ રજૂઆત એમટીવી અનપ્લગ્ડ માટે સૌથી ઊંચી રહી હતી અને મહિલા કલાકાર દ્વારા પહેલુ અનપ્લગ્ડ હતું જે પ્રથમ સ્થાને આવ્યું હતું.[25] આલ્બમનું પહેલું ગીત "અનબ્રેકેબલ" બિલબોર્ડ હોટ 100માં 34માં નંબરે અને હોટ આર એન્ડ બી (R&B)/હીપ-હોપ સોંગ્સમાં ચોથા સ્થાને રહ્યું હતું.[52] તે બિલબોર્ડ હોટ એડલ્ડ આર એન્ડ બી (R&B) એરપ્લે પર 11 સપ્તાહ સુધી પ્રથમ સ્થાને રહ્યું હતું.[53]
કીઝે લોંગ આઇલેન્ડ, ન્યુયોર્કમાં ધ ઓવન સ્ટુડિયોના નામે રેકોર્ડિંગ સ્ટુડિયો ખોલ્યો હતો, તેણે ભાગીદાર કેરી "ક્રુશિયલ" બ્રધર્સ સાથે તેની માલિકી, નિર્માણ અને ગીતલેખનમાં ભાગીદારી કરી હતી.[54] આ સ્ટુડિયોની ડિઝાઇન ડબલ્યુએસડીજીના વિખ્યાત સ્ટુડિયો સ્થાપત્યકાર જોન સ્ટોરિકે કરી હતી, જે જિમિ હેન્ડરિક્સ'ના ઇલેક્ટ્રીક લેડી સ્ટુડિયોઝના પણ ડિઝાઇનર હતા. કીઝ એન્ડ બ્રધર્સ ક્રુશિયલકીઝ એન્ટરપ્રાઇઝિઝના સહ-સ્થાપક છે, જે એક પ્રોડક્શન અને ગીતકાર ટીમ છે, તેઓ કીઝને તેના આલ્બમ બનાવવામાં મદદ કરે છે સાથે જ બીજા કલાકારો માટે પણ સંગીત આપે છે.[55]
2006માં, કીઝે ત્રણ એનએએસીપી (NAACP) ઇમેજ એવોર્ડઝ જીત્યા હતા, તેમાં આઉટસ્ટેડિંગ ફિમેલ આર્ટિસ્ટ અને "અનબ્રેકેબલ" માટે આઉટસ્ટેન્ડિંગ સોંગનો સમાવેશ થાય છે.[56] સોંગરાઇટર્સ હોલ ઓફ ફ્મ દ્વારા તેને સ્ટારલાઇટ એવોર્ડ પણ મળ્યો હતો.[57] ઓક્ટોબર 2006માં, તેણે બાળકોની ટેલિવિઝન શ્રેણી ધ બેકયાર્ડિગન્સ ના "મિશન ઓફ માર્સ" એપિસોર્ડમાં મોમી માર્ટિન માટે અવાજ આપ્યો હતો, જેમાં તેણે અસલ ગીત "અલમોસ્ટ એવ્રીથીંગ ઇઝ બોઇંગા હીયર" ગાયું હતું.[58] તે જ વર્ષે, કીઝ માનસિક રીતે ભાંગી પડી હતી. તેની દાદીમાનું મૃત્યુ થયું હતું અને તેનો પરિવાર મોટેભાગે તેમના પર આધારિત હતો. તેને લાગ્યું કે તેણે ત્રણ સપ્તાહ સુધી ઇજિપ્ત "ભાગી જવાની" જરૂર છે. તેણે જણાવ્યું હતું કે, "તે સમય મારા માટે અત્યાર સુધીના મારા જીવનમાં મેં અનુભવેલો સૌથી વધુ કપરો સમય હતો. હું ખૂબજ મુશ્કેલ સમયમાંથી પસાર થઇ રહી હતી, અને એક સમય એવો આવ્યો હતો કે જ્યાં હું ખરેખર ક્યાંક ભાગી જવા માંગતી હતી. અને શક્ય હોય તેટલુ દૂર જતી રહેવા માંગતી હતી."[59][60]
કીઝે ફિલ્મ ક્ષેત્રે તેની પ્રથમ શરૂઆત 2007ના પૂર્વાર્ધમાં ગુનાખોરીની ફિલ્મ સ્મોકિન' એસિસ દ્વારા કરી હતી, જ્યોર્જિયા સાઇક્સ નામની ખૂની સહ-કલાકાર તરીકે તેણે બેન એફ્લેક અને એન્ડી ગર્સિયા સામે કામ કર્યું હતું. કીઝને આ ફિલ્મમાં સહકલાકારો તરફથી ઘણા વખાણ સાંભળવા મળ્યા હતા, રેનોલ્ડ્સે કહ્યું હતું કે કીઝ એટલી બધી "સ્વાભાવિક" હતી અને તે "બીજા બધાને ઝાંખા પાડી દેશે".[61][62] તે જ વર્ષે કીઝે તેની બીજી ફિલ્મ ધ નેની ડાયરીઝ માટે પણ ઘણી સરાહના મેળવી, જે તે નામના 2002ના નોવેલ પર આધારિત હતી, જેમાં તેને સ્કારલેટ જોહનસન અને ક્રિસ ઇવાન્સ જેવા સહ-કલાકારો સાથે કામ કર્યું હતું.[63] તેણે કેન નાટક શ્રેણીના "વન મેન ઇઝ એન્ડ આઇલેન્ડ"માં પણ મહેમાન કલાકાર તરીકે કામ કર્યું હતું.[64]
કીઝે તેનું ત્રીજુ સ્ટુડિયો આલ્બમ એઝ આઇ એમ નવેમ્બર 2007માં બહાર પાડયું હતું, બિલબોર્ડ 200 પર તે પ્રથમ સ્થાને રહ્યું હતું, પ્રથમ સપ્તાહમાં તેની 742,000 કોપી વેચાઇ હતી. તેના કારણે કીઝ તેની કારકિર્દીમાં પ્રથમ સપ્તાહમાં સૌથી વધુ વેચાણ મેળવી ચુકી હતી અને તે અનુક્રમે તેનું ચોથુ નંબર વન આલ્બમ બન્યું હતું,અને બ્રિટની સ્પિયર્સ સાથે બિલબોર્ડ 200 પર મહિલા કલાકાર દ્વારા નંબર વન રહેલા આલ્બમ માટે ટાઇ થઇ હતી.[65][66] આ સપ્તાહ 2007નું ફિમેલ સોલો આર્ટિસ્ટનું સૌથી વધુ વેચાણનું બીજુ સૌથી મોટુ સપ્તાહ બની રહ્યું હતું. આ પહેલા 2004માં ગાયક નોરાહ જોન્સના આલ્બમ ફીલ લાઇક હોમ માટે આ સ્થિતિ સર્જાઇ હતી.[67] આ આલ્બમની લગભગ ચાર મિલિયન કોપી યુનાઇટેડ સ્ટેટ્સમાં વેચાઇ હતી અને આરઆઇએએ (RIAA) દ્વારા ત્રણવાર પ્લેટિનમથી તેને પ્રમાણિત કરવામાં આવ્યું હતું.[68][69] સમગ્ર વિશ્વમાં તેની છ મિલિયન કોપી વેચાઇ હતી.[70] 2008 અમેરિકન મ્યુઝિક એવોર્ડમાં એઝ આઇ એમ માટે કીઝે પાંચ નોમિનેશન મેળવ્યા હતા અને બે એવોર્ડ જીત્યા હતા.[71] આ આલ્બમનું મુખ્ય ગીત "નો વન" બિલબોર્ડ હોટ 100 અને હોટ આરએન્ડબી ( R&B)/ હીપ-હોપ સોંગ્સમાં પ્રથન સ્થાને રહ્યું હતું, અને કીઝને દરેક ચાર્ટ પર અનુક્રમે ત્રીજો અને પાંચમો નંબર મળ્યો હતો.[72] આ આલ્બમનું બીજુ ગીત "લાઇક યુ વીલ નેવર સી મી અગેઇન" 2007ના ઉત્તરાર્ધમાં બહાર પડયું હતું અને બિલબોર્ડ હોટ 100 પર બારમા સ્થાને રહ્યું હતું તેમજ હોટ આરએન્ડબી ( R&B)/હીપ હોપ સોંગ્સમાં પ્રથમ સ્થાને રહ્યું હતું.[73] આ આલ્બમનું ત્રીજુ ગીત "ટીનેજ લવ અફેર" હોટ આરએન્ડબી/હીપ હોપ સોંગ્સ ચાર્ટમાં ત્રીજા સ્થાને રહ્યું હતું.[73] તેણે ચોથુ ગીત "સુપરવુમન" બહાર પાડયું હતું જે બિલબોર્ડ હોટ 100 પર 82માં નંબરે હોટ આરએન્ડબી ( R&B)/હીપ હોપ સોંગ્સ પર બારમા સ્થાને રહ્યું હતું.[73][74]
"નો વન" ને કારણે કીઝને 2008ના ગ્રેમી એવોર્ડઝમાં બેસ્ટ ફિમેલ આર એન્ડ બી (R&B) વોકલ પરફોર્મન્સ અને બેસ્ટ આર એન્ડ બી (R&B) સોંગના એવોર્ડઝ મળ્યા હતા.[75] કીઝે આ સમારંભની શરૂઆત ફ્રેન્ક સિનાટ્રાના 1950ના ગીત લર્નિંન ધ બ્લ્યુઝ "ડયુએટ" તરીકે સિનાટ્રાના સંગ્રહાયેલા દ્રશ્યો સાથે ગાયું હતું અને આ શોમાં પાછળથી જ્હોન મેયર સાથે "નો વન" ગાયું હતું.[76] આ શો દરમિયાન કીઝ બેસ્ટ ફિમેલ આર એન્ડ બી (R&B) આર્ટિસ્ટ પણ બની હતી.[77] તે ડોવ ગો ફ્રેશ દ્વારા બનાવાયેલી વ્યવસાયિક માઇક્રો-સિરિઝ "ફ્રેશ ટેક્સ"માં પણ ચમકી હતી, જેનું પ્રિમિયર માર્ચ થી એપ્રિલ 2008 દરમિયાન એમટીવીના ધ હીલ્સ માં થયું હતું. આ પ્રિમીયરમાં નવા ડવ ગો ફ્રેશની રજુઆતની ઉજવણી કરવામાં આવી હતી.[78] તેણે ઉત્પાદનની જાહેરાત માટે પ્રવક્તા તરીકે ગ્લેસેઉસ વિટામિનવોટર સાથે પણ કરાર પર હસ્તાક્ષર કર્યા હતા,[79] અને તેણે અમેરિકન એક્સપ્રેસની જાહેરાત આર યુ એ કાર્ડ મેમ્બર? માં પણ કામ કર્યું હતું. અભિયાનમાં પણ ભાગ લીધો હતો.[80] કીઝે ધ વ્હાઇટ સ્ટ્રાઇપ્સ, ગિટારવાદક અને મુખ્ય ગાયક જેક વ્હાઇટ સાથે મળીને બોન્ડના ગીતોના ઇતિહાસમાં પહેલુ ડયુએટ ' કોન્ટમ ઓફ સોલેસનું થીમ ગીત રેકોર્ડ કર્યું હતું.[81] 2008માં, કીઝે બિલબોર્ડ હોટ 100 ના ઓલ ટાઇમ ટોપ આર્ટિસ્ટ્સમાં 80મું સ્થાન પ્રાપ્ત કર્યું હતું.[82] તે ધ સિક્રેટ લાઇફ ઓફ બિઝ માં પણ ચમકી હતી, આ ફિલ્મ સુ મોન્ક કિડ્સની 2003ની તે જ નામની સૌથી વધુ વેચાતી નોવેલનું રૂપાંતરણ હતું, સાથે જ જેનિફ્ર હડસન અને ક્વીન લતિફ ઓક્ટોબર 2008માં ફેક્સ સર્ચલાઇટ દ્વારા બહાર પડયા હતા.[83] તેની ભૂમિકાને કારણે તે એનએએસીપી (NAACP) ઇમેજ એવોર્ડઝના મોશન પિક્ચરમાં આઉટસ્ટેન્ડિંગ સપોર્ટિંગ એક્ટ્રેસ માટે નોમિનેશન જીતી શકી હતી.[84] તેણે 2009 ગ્રેમી એવોર્ડઝમાં ત્રણ નોમિનેશન્સ મેળવ્યા હતા અને "સુપરવુમન" માટે બેસ્ટ ફિમેલ આર એન્ડ બી (R&B) વોકલ પરફોર્મન્સ એવોર્ડ જીત્યો હતો.[85]
બ્લેન્ડર મેગેઝિન સાથેના એક ઇન્ટરવ્યુ દરમિયાન કીઝે આરોપ લગાવતા જણાવ્યું હતું કે, "'ગેંગસ્ટા રેપ' કાળા લોકોને એકબીજાને મારવા તૈયાર કરવાનું કાવતરૂ હતું, ગેંગસ્ટા રેપનું કોઇ અસ્તિત્વ નહોતું અને એવું કહેવાતું હતં કે તે "સરકાર" દ્વારા રચવામાં આવ્યું હતું. મેગેઝીને એવો પણ દાવો કર્યો હતો કે કીઝે એમ પણ જણાવ્યું હતું કે ટુપેક શકુર અને નોટોરિયસ બી.આઇ.જી.ને "દગો દઇને મારી નંખાયા હતા, તેમનું માંસ સરકાર અને મિડિયા દ્વારા રાખવામાં આવ્યું હતું જેથી બીજો કોઇ મહાન કાળાઓનો નેતા માથુ ન ઉચકે".[15] કીઝે પાછળથી આ મુદ્દાઓ પર સ્પષ્ટતા આપી હતી અને જણાવ્યું હતું કે તેના શબ્દોનો ખોટો અર્થ લેવામાં આવ્યો છે.[86] તે વર્ષે પાછળથી, વ્યસન વિરોધી અભિયાનકારો દ્વારા કીઝની ટીકા કરવામાં આવી હતી કારણ કે કીઝની આગામી ઇન્ડોનેશિયામાં થનારી કોન્સર્ટ્સના બિલબોર્ડ પોસ્ટર્સમાં એક માઇલ્ડ સિગરેટ બ્રાન્ડનો લોગો હતો જેને તમાકુની કંપની ફ્લિપ મોરિસ દ્વારા સ્પોન્સર કરવામાં આવ્યું હતું. આ કંપની દ્વારા કોન્સર્ટ સ્પોન્સર છે તે જાણ્યા બાદ કીઝે માફી માંગી હતી અને તેને "સુધારવાના પગલા" લેવા કહ્યું હતું. તેની પ્રતિક્રિયા રૂપે, કંપનીએ તેની સ્પોન્સરશીપ રદ કરી હતી.[87]
કીઝ અને મેનેજર જેફ્ રોબિનસને ડીઝની સાથે લાઇવ એક્શન અને એનિમેટેડ પ્રોજેક્ટ્સના વિકાસ માટે ફિલ્મ નિર્માણના કરાર પર હસ્તાક્ષર કર્યા હતા. તેમની પહેલી ફિલ્મ 1958ની કોમેડી બેલ, બૂક એન્ડ કેન્ડલ નું પુનઃનિર્માણ હશે અને તેમાં કીઝ એક જાદુગર મહિલા બનશે જે પ્રતિસ્પર્ધીની પ્રેમિકાને ખુશ કરવા પ્રેમ જગાવશે.[88] કીઝ અને રોબિનસને બિગ પિટા નામની ટેલિવિઝન નિર્માણ કંપની રચી છે.[89] તેમની કંપની બિગ પિટા અને લિટલ પિટા દ્વારા કીઝ અને રોબિનસન લાઇવ-એક્શન અને એનિમેટેડ પ્રોજેક્ટ્સ પર કામ કરશે, જેમાં કીઝ નિર્માતા, કલાકાર, બેનરની આગેવાની અને ધ્વનિ તેમજ સંગીત નિરિક્ષક છે.[90]
કીઝે વિટની હટસનના સાતમા સ્ટુડિયો આલ્બમ લૂક ટુ યુ માટે "મિલિયન ડોલર બિલ"ને લખવા અને નિર્માણના કામ માટે રેકોર્ડ નિર્માતા સ્વિઝ બિટ્સ સાથે સહકાર સાધ્યો હતો. કીઝે આલ્બમમાં ગીત ઉમેરવાની મંજૂરી મેળવવા માટે ક્લાઇવ ડેવિસનો સંપર્ક સાધ્યો હતો.[91] કીઝે રેકોર્ડિંગ કલાકાર જય-ઝેડના 2009ના આલ્બમ ધ બ્લ્યુપ્રિન્ટ 3 ના ગીત "એમ્પાયર સ્ટેટ ઓફ માઇન્ડ" માટે તેની સાથે પણ સહકાર સાધ્યો હતો. બિલબોર્ડ હોટ 100માં આ ગીત ટોચ પર રહ્યું હતું અને તે ચાર્ટ પર તેનું ચોથુ પહેલા નંબરનું ગીત બન્યું હતું.[92] સ્વિઝ બિટ્સે મે 2009માં જાહેરાત કરી હતી કે તે અને કીઝ અને તે એકબીજા સાથે પ્રણય સંબંધથી જોડાયેલા છે. ધ બોસ્ટન ગ્લોબે જણાવ્યું હતું કે "સ્વિઝ અને તેની વિમુખ પત્નિ મેશોન્ડાના સંબંધ હાલ દુશ્મની અને કડવાશભર્યા છૂટાછેડા સુધી પહોંચી ગયા છે. તેણે પોતાના લગ્ન વિચ્છેદ માટે એલિસિયાને જવાબદાર માનવાની વાત હંમેશા નકારી હતી".[93]
તે પછીના મહિને, અમેરિકાના ગીતકારો, લેખકો અને પ્રકાશકોએ કીઝને ગોલ્ડન નોટ એવોર્ડ દ્વારા સન્માનિત કરી હતી, આ એવોર્ડ એવા કલાકારોને આપવામાં આવે છે "જેમને કારકિર્દીમાં અસામાન્ય સિદ્ધિઓ હાંસલ કરી હોય".[94] તેણે સ્પેનિશ રેકોર્ડિંગ કલાકાર અલજેન્ડ્રો સાંઝ સાથે "લૂકિંગ ફેર પેરેડાઇઝ" માટે સહકાર સાધ્યો હતો, જે હોટ લેટિન ગીતોના ચાર્ટ પર ટોચ પર રહ્યું હતું.[95] કીઝે તેનું ચોથુ સ્ટુડિયો આલ્બમ ધ એલિમેન્ટ ઓફ ફ્રિડમ ડિસેમ્બર 2009માં બહાર પાડયું હતું.[96] બિલબોર્ડ 200 પર તે બીજા નંબરે આવ્યું હતું, પહેલા સપ્તાહમાં તેની 417,000 કોપી વેચાઇ હતી.[97] આલ્બમના પ્રસાર કાર્યના ભાગરૂપે તેણે પાંચમી ડિસેમ્બરે કેમેન જેઝ ફ્ેસ્ટિવલમાં પરફોર્મ કર્યું હતું, ત્રણ દિવસની ઉજવણીની છેલ્લી રાતનું પ્રસારણ બ્લેક એન્ટરટેઇનમેન્ટ ટેલિવિઝન(બીઇટી) પર થવાનું હતું.[98] આલ્બમનું મુખ્ય ગીત "ડઝન્ટ મીન એનીથીંગ" બિલબોર્ડ હોટ 100 પર 60માં સ્થાને રહ્યું હતું.[96] બિલબોર્ડ મેગેઝિન દ્વારા કીઝને ૨૦૦૦-2009ના દાયકાની ટોચની આરએન્ડબી ( R&B) રેકોર્ડિંગ કલાકાર ગણવામાં આવી હતી અને દાયકાના કલાકાર તરીકે તેને પાંચમુ સ્થાન મળ્યું હતું, જ્યારે તેનું ગીત "નો વન" મેગેઝિનના દાયકાના શ્રેષ્ઠ ગીતોમાં છઠ્ઠા સ્થાને રહ્યું હતું.[99][100][101] યુનાઇટેડ કિંગડમમાં, ધ એલિમેન્ટ ઓફ ફ્રિડમ કીઝના યુકેના આલ્બમ્સ ચાર્ટ પર ટોચ પર રહેલું પહેલું આલ્બમ બન્યું હતું.[102]
મે 2010માં, કીઝ અને સ્વિઝ બિટ્સના પ્રતિનિધિએ સમર્થન આપ્યું હતું કે તેમની સગાઇ થઇ ચુકી હતી અને તેઓ એક બાળકની અપેક્ષા રાખી રહ્યા હતા.[103] 2010 ફીફા વર્લ્ડ કપ દરમિયાન, આ યુગલે તેમાં ભાગ લીધો હતો અને ઝુલુ સેરિમનીમાં કૂખમાં રહેલા બાળકને આશીર્વાદ મળ્યા હતા, જે દક્ષિણ આફ્રિકાના ઇઓવો સબર્બમાં યોજાઇ હતી.[104] કીઝ અને સ્વિઝ બિટ્ઝે ૩1મી જુલાઇ 2010ના રોજ ફ્રેન્ચ ટાપુ કોર્સિકા પર લગ્નની ઉજવણી કરી હતી.[105] જોકે, અમેરિકામાં તેમના લગ્ન કાનૂની બનાવવા માટે જાહેર ઉજવણી હજુ પણ જરૂરી હતી.[106]
કુશળ પિયાનોવાદક હોવાથી, કીઝે તેના મોટાભાગના ગીતોમાં પિયાનોનો ઉપયોગ કર્યો છે અને ઘણીવાર તે પ્રેમ, દીલનું તૂટવું અને મહિલા સશક્તિકરણ વિશે લખે છે.[3][43] તેણે પોતાની પ્રેરણા તરીકે કેટલાંક સંગીતકારોનું ઉદાહરણ લીધુ છે જેમાં પ્રિન્સ, નિના સિમોન, બાર્બરા સ્ટ્રેઇસેન્ડ, માર્વિન ગેય, ક્વિન્સી જોન્સ, ડોની હેથવે અને સ્ટિવ વંડરનો સમાવેશ થાય છે.[107][108][109] કીઝની શૈલીનું મૂળ સનાતન અને ખાસ પ્રકારના આત્મિય સંગીત, મંદ સ્વર અને પ્રોગ્રામ કરેલી ડ્રમની બિટ્સમાં રહેલું છે.[110] તે પોતાના સંગીતમાં આરએન્ડબી ( R&B) સાથેના શાસ્ત્રીય પિયાનો, સોલ અને જેઝનો ઘણો ઉપયોગ કરે છે.[111][112] તેણે બીજા પ્રકારો સાથે પ્રયોગ કરવાનું પણ શરૂ કર્યું છે, તેમાં તેણે પોતાના ત્રીજા સ્ટુડિયો આલ્બમ એઝ આઇ એમ માં પોપ અને રોક,[110][113][114] તેના ચોથા આલ્બમ ધ એલિમેન્ટ ઓફ ફ્રિડમ માં 1980ના નિયો સોલમાંથી 1990ના આર એન્ડ બી (R&B) સાઉન્ડ તરફ વળીને તેનો ઉપયોગ કર્યો છે.[115][116] ન્યુ યોર્ક ડેઇલી ન્યુઝ ના પેટ્રીક હ્યુગેનિને જણાવ્યું હતું કે શાસ્ત્રીય પિયાનો સંગીત સાથેના તેના ઐક્યએ કીઝની અસામાન્ય સફ્ળતામાં ભાગ ભજવ્યો હતો.[38] જેટ મેગેઝિને જણાવ્યું હતું કે તે પોતાના ચાહકોને "પિયાનોની કુશળતા, શબ્દો અને અવાજની મધુરતા દ્વારા સ્પર્થીને સફ્ળતા પ્રાપ્ત કરે છે".[117] ધ ઇનડિપેન્ડન્ટ તેની શૈલીને "ક્રાઉલિંગ બ્લ્યુઝ સાથે હીપ-હોપ બેકબીટ"ની સુસંગતતા જણાવે છે. તેના ગીતોમાં ભાગ્યેજ દીલની વાત ન હોય તેવું બને".[118] બ્લેન્ડર મેગેઝિને તેને મિલેનિયમની "પહેલી નવી પોપ આર્ટિસ્ટ ગણાવી હતી જે સંગીતને બદલવા માટે સક્ષમ છે".[119]
કીઝ કોન્ટ્રાલ્ટો(સૌથી નીચા સ્વરમાં ગાનારી ગાયિકા)ની અવાજની રેન્જ ધરાવે છે, જે ત્રણ સ્વરાષ્ટકમાં ફેલાઇ શકે છે.[38][120] તેને ઘણીવાર "પ્રિન્સેસ ઓફ સોલ" ગણવામાં આવે છે.[118][121] કીઝના એક મજબૂત, પ્રાકૃતિક અને ખૂબ જુસ્સાવાળા અવાજ માટે વખાણ થાય છે.[122][123] બીજા લોકો અનુભવે છે કે તેનો અવાજ "સંવેદનશીલતા સાથે બનેલો" છે અને તે પોતાનો અવાજ પોતાની પ્રાકૃતિક રેન્જની બહાર લઇ જાય છે.[122][123] કીઝના ગીતલેખનની ઘણીવાર તેમાં ઊંડાણની કમી હોવાને કારણે ટીકા થાય છે, જેથી તેની લેખન ક્ષમતાઓને મર્યાદિત માનવામાં આવે છે.[122] તેના ગીતોને સામાન્ય, અતિ રૂઢ અને અસ્પષ્ટ ગણવામાં આવે છે.[110][122] શિકાગો ટ્રીબ્યુન ના ગ્રેગ કોટને લાગે છે કે તે "કોઇ કલાત્મક આવૃત્તિને મહત્વ આપવાની જગ્યાએ વિવિધ ફેર્મેટના હીટ ગીતો આપે છે".[123] તેનાથી વિરૂદ્ધ બ્લેન્ડર મેગેઝિનના જોન પેરલેસે જણાવ્યું હતું કે તેના ગીતોનું સંગીત તેના ગીતના શબ્દોની નબળાઇને ઢાંકી દે છે,[113] જ્યારે ધ વિલેજ વોઇસ ના ગ્રેગરી સ્ટિફ્ન ટેટ કીઝના લેખન અને નિર્માણને 1970ના સંગીત સાથે સરખાવે છે.[124]
ધ ન્યુઝિલેન્ડ હેરાલ્ડ ના જોના હંકીને કીઝના એક પરફોર્મન્સનું નિરિક્ષણ કર્યું હતું જેમાં કાયલિ મિનોગ પણ હાજર રહ્યા હતા. તેમણે કીઝના પરફોર્મન્સ પર મિનોગની પ્રતિક્રિયાનું વર્ણન કરતા કહ્યું હતું કે "સ્વાભાવિક છે કે તેઓ પણ વેક્ટર એરેનામાં રહેલા બીજા 10, ચાહકો જેટલા જ કીઝના ચાહક હતા". તેમણે વધુમાં જણાવ્યું હતું કે મિનોગ "ઓરિજિનલ પોપ પ્રિન્સેસ છે જે આધુનિક સમયની ક્વીન ઓફ સોલ સામે ઝુકી ગયા હતા".[125] હંકીને કીઝના પ્રારંભિક પરફોર્મન્સને "હેડબેન્ગિંગ (હલબલાવી નાખે તેવું), હીપ-ગાયરેટિંગ (ઘુમાવી દે તેવું)" ગણાવ્યું હતું, અને તેના જુસ્સાને "હાઇ ઓક્ટેવ એનર્જી ગણાવી હતી જે મોટાભાગના બેન્ડ પોતાના ક્લોઝિંગ ફિનાલે(સમારંભની પૂર્ણાહૂતિ) માટે જાળવી રાખે છે". બે કલાકના પરફોર્મન્સને અંતે તેના ચાહકો "ચીસો પાડવા લાગ્યા, પગ પછાડવા લાગ્યા અને ફ્રી એકવાર ગાવાની માંગણી કરવા લાગ્યા".[125] બિલબોર્ડ મેગેઝિનના હિલેરી ક્રોસલિ અને મેરિયલ કંન્સેપ્શને નોંધ્યું હતું કે કીઝના શો દર્શકોના "ધ્યાન સાથે ખૂબજ અનુબદ્ધિત" હોય છે અને તે એક સરખુ જળવાઇ રહે છે". આ શોના અંતે બધાએ ઉભા થઇને તાળીનો ગડગડાટ કર્યો હતો અને "કીઝે એક જીવંત પરફોર્મન્સ સિદ્ધ કર્યું હતું સાથે જ ઉત્કૃષ્ટ સંગીતજ્ઞતા હંમેશા જીતે છે તે પણ સિદ્ધ કર્યું હતું".[126] પોતાની કારકિર્દી દરમિયાન કીઝે અસંખ્ય એવોર્ડઝ જીત્યા છે અને તે 15 મિલિયન પ્રમાણિત આલ્બમ્સ સાથે અમેરિકાની રેકોર્ડિંગ ઇન્ડસ્ટ્રી એસોશિયેશનમાં તે યુનાઇટેડ સ્ટેટ્સના બેસ્ટ સેલિંગ આર્ટિસ્ટ્સની યાદીમાં સ્થાન પામી છે.[127] તેણે સમગ્ર વિશ્વમાં 30 મિલિયન આલ્બમ્સનું વેચાણ કર્યું છે અને પોતાની જાતને પોતાના સમયની બેસ્ટ સેલિંગ આર્ટિસ્ટ્સમાંની એક તરીકે સ્થાપિત કરી છે.[12][124][128]
કીઝ બિન નફાકારક સંગઠન કીપ એ ચાઇલ્ડ અલાઇવ(બાળકને જીવતુ રાખો)ની સહ-સ્થાપક અને વૈશ્વિક રાજદૂત છે, આ સંસ્થા આફ્રિકામાં એચઆઇવી અને એઇડ્સ ધરાવતા પરિવારોને દવાઓ પુરી પાડે છે.[129] કીઝ અને યુ2ના મુખ્ય ગાયક બોનોએ વિશ્વ એઇડ્સ દિવસ 2005ના માનમાં પિટર ગેબ્રિટલઅને કેટ બૂશની "ડોન્ટ ગીવ અપ"ની મુખ્ય આવૃત્તિ રેકોર્ડ કરી હતી. કીઝ અને બોનોના આ ગીતની આવૃત્તિનું ફરી નામકરણ "ડોન્ટ ગીવ અપ(આફ્રિકા)" તરીકે કરવામાં આવ્યું હતું જે તેનાથી થતા દાનના લાભનું સૂચન કરે છે.[130][131] તેણે એઇડ્સથી પીડાતા બાળકોની કાળજીને પ્રોત્સાહન આપવા યુગાન્ડા, કેન્યા અને દક્ષિણ આફ્રિકા જેવા આફ્રિકાના દેશોની મુલાકાત લીધી છે.[132][133][134] આફ્રિકામાં તેના કાર્યો એલિસિયા ઇને આફ્રિકાઃ જર્ની ટુ ધ મધરલેન્ડ નામની દસ્તાવેજી ફિલ્મમાં નોંધાયેલા છે જે એપ્રિલ 2008માં ઉપલબ્ધ બની હતી.[135]
કીઝે બિનનફકારક સંગઠન ફ્રમ ધ ગ્રાઉન્ડ અપ માટે પણ દાન આપ્યું હતું જે બાળકો અને કિશોરોને શિષ્યવૃત્તિ આપે છે.[136][137] તેણે આફ્રિકાની ગરીબી પ્રત્યે જાગૃતિ લાવવા અને જી8ના નેતાઓ પર કોઇ પગલા લેવાનું દબાણ કરવા સમગ્ર વિશ્વમાં લાઇવ 8 કોન્સર્ટ કરવાના ભાગ રૂપે ફિલાડેલ્ફિયા, પેન્સિલવેનિયામાં પણ પરફોર આપ્યું હતું.[138] 2005માં, કીઝેReAct Now: Music & Relief કટરિના ચક્રવાતથી અસર પામેલા લોકો માટે નાણાં એકઠા કરવા બે પ્રોગ્રામમાં પરફોર્મShelter from the Storm: A Concert for the Gulf Coast કર્યું હતું.[139][140] જુલાઇ 2007માં, કીઝ અને કેથ અર્બને અમેરિકન લાઇવ અર્થ કોન્સર્ટ્સ માટે રોલિંગ સ્ટોન્સના 1969ના ગીત "ગીમી શેલ્ટર" પર અમેરિકન લેગ ન્યુ જર્સીમાં ઇસ્ટ રુધરફેર્ડના જાયન્ટ્સ સ્ટેડિયમમાં પરફોર્મ કર્યું હતું.[141][142]
11 સપ્ટેમ્બરે થયેલા હુમલા પર ટેલિવિઝન માટે થયેલા બેનિફ્ટિ કોન્સર્ટમાં કીઝેAmerica: A Tribute to Heroes ડોની હેથવેના 1973ના ગીત "સમ ડે વી વીલ બી ફ્રી" પર પરફોર્મ કર્યું હતું.[143] તેણે 11 ડિસેમ્બર 2007ના રોજ નોર્વે, ઓસ્લોના ઓસ્લો સ્પેક્ટ્રમમાં યોજાયેલા નોબલ વિશ્વશાંતિ પુરસ્કાર માટેના કોન્સર્ટમાં પણ બીજા કલાકારો સાથે ભાગ લીધો હતો.[144] તેણે ડેમોક્રેટિક પ્રમુખ માટેના નોમીની બરાક ઓબામા માટે પણ થીમ ગીત રેકોર્ડ કર્યું હતું. તેણે જોસ સ્ટોન અને જય-ઝોન સાથે મળીને ઓબામાના અભિયાન માટે થિમ ગીત બનાવ્યું હતું.[145] તેના કામ માટે કીઝને 2009 બીઇટી એવોર્ડઝમાં હ્યુમેનિટેરિયન એવોર્ડથી સન્માનવામાં આવી હતી.[146] 2010માં થયેલા હેતી ભૂકંપની પ્રતિક્રિયા રૂપે કીઝે પોતાના 2007ના આલ્બમ એઝ આઇ એમ માંથી Hope for Haiti Now: A Global Benefit for Earthquake Relief "પ્રિલ્યુડ ટુ એ કીઝ"ને "સેન્ડ મી એન એન્જલ" નામથી ટેલિથોન માટે પરફોર્મ કર્યું હતું.[147]
ધી ડાયરી ટુર (2005)
ટેલીવીઝન | |||
---|---|---|---|
વર્ષ | ટાઇટલ | ભૂમિકા | નોંધ |
1985 | ધ કોસ્બિ શો | મારિયા | "સ્લમ્બર પાર્ટી"(સિઝન 1, એપિસોડ 22) |
2001 | ચાર્મ્ડ | પી૩ વીઆઇપી પેટ્રોન(નામ વગર) | "સાઇઝ મેટર્સ" (સિઝન 4, એપિસોડ 5)
"Size Matters" (season 4, episode 5) |
2003 | અમેરિકન ડ્રીમ | ફેન્ટેલા બાસ | "રેસ્ક્યુ મી"(સિઝન 2, એપિસોડ 6) |
ધ પ્રાઉડ ફેમિલી | તે પોતે(અવાજ) | "ધ ગુડ, ધ બેડ, એન્ડ ધ અગ્લી"(સિઝન 3, એપિસોડ 46) | |
2005 | સિસેમ સ્ટ્રીટ | તેણી પોતે | સિઝન 36 |
2006 | ધ બેકયાર્ડિગન્સ | મોમી માર્ટિન(અવાજ) | "મિશન ટુ માર્સ" (સિઝન 2, એપિસોડ 1) |
2007 | કેન | તેણી પોતે | "વન મેન ઇઝ એન આઇલેન્ડ"(સિઝન 1, એપિસોડ 7) |
એલ્મોસ ક્રિસમસ કાઉન્ટડાઉન | તેણી પોતે | ક્રિસમસ ટેલિવિઝન સ્પેશ્યલ | |
2008 | ડોવ "ફ્રેશ ટેક્સ" | એલેક્સ | પાંચેય એપિસોડમાં ઝળહળી હતી |
2010 | અમેરિકન આઇડોલ(સિઝન 9) | તેણી પોતે | માર્ગદર્શક |
ફિલ્મ/ચલચિત્ર | |||
વર્ષ | ટાઇટલ | ભૂમિકા | નોંધ |
2007 | સ્મોકિન એસિસ | જ્યોર્જિયા સાયકીસ | |
ધ નેની ડાયરીઝ | લિનેટ | ||
2008 | ધ સિક્રેટ લાઇફ ઓફ બિઝ | જૂન બોટરાઇટ |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.