हिन्दी व्याकरण का इतिहास
From Wikipedia, the free encyclopedia
- सिन्धीअ जो आदर्शु व्याकरणु ऐं निराली कारक रचिना*
ॿोली ! भावनाउनि - विचारनि खे पधिरो करिण जो वसीलो हूंदी आहे ऐं जहिं ॿोलीअ में ईहे गुण वधिक हुजनि, इन्हं ई ॿोलीअ खे, सभिनी खां सुठी ऐं आदर्शु (आईडियल) ॿोली मञिणु घुरिजे .
सिन्धीअ में भावनाउनि ऐं निराले गुणनि खे पधिरो करिण वारे ॿोलनि मां हिकिड़ो ॿोलु आहे 'भवाइतो', जहिंजो रूपु संस्कृत में 'भयप्रद', हिन्दीअ में 'भयानक' ऐं साॻी माना में उर्दूअ जे 'ख़ौफ़नाक़' ऐं अंग्रेज़ीअ जे 'Terrible' जा नरु, नारि जाति (लिंग, ज़िन्स) ऐं ॻणप (वचन - अदद) कणि, घणि (एकवचन, बहुवचन) जा रूप न ठहंदा आहिनि ऐं न ई कारक रूप .
जॾहिं त सिन्धीअ में इन्हं जा चारि -- भवाइतो -- भवाइता, भवाइती -- भवाइतियूं ऐं कर्ता कारक जा बि चारि -- भवाइतो > 'भवाइते', भवाइता > 'भवाइतनि, भवाइती > 'भवाइतीअ' ऐं भवाइतियूं > 'भवाइतुनि' मिलाए कुलु अठ रूप ठहंदा आहिनि .
संस्कृत में कर्ता कारक जा रूप न ठहंदा आहिनि, पर हिन्दी ऐं उर्दूअ में अलॻि 'ने' आहे, जेको सिन्धीअ जे 'न - नि' जो रूपु आहे -- जीअं त - हो -- हुन, (वह > उस -- उसने), हू -- हुननि (वे > उन - उन्होंने).
इन्हं तरह 'सुंहिंणो' ऐं 'मोहिणो' ऐं एढ़नि ॿियनि ॿोलिनि जा बि अठ - अठ रूप ठहंदा आहिनि . पर संस्कृत ऐं हिन्दीअ जे 'सोहन' ऐं 'मोहन' - 'मोहक' ऐं उर्दूअ जे 'ख़ूबसूरत' ऐं 'दिलकश' जा रूप न ठहंदा आहिनि .
सिन्धीअ जा एढ़ा ॿिया बि केई गुण आहिनि, जेके अञा ताईं पधिरो न कया वया आहिनि .
इन्हंनि रूपनि मां साबितु थे थो त सिन्धीअ जी भावनाउनि खे पधिरो करिण जी सघ ॿियनि ॿोलिनि खां अठूणी आहे ऐं सिन्धीअ जो व्याकरणु ऐं कारक रचिना सभिनी ॿोलिनि खां सघारी ऐं आदर्शु बि आहे .