Čěškecy
wjes w Budyskim wokrjesu, gmejnski dźěl Hodźija From Wikipedia, the free encyclopedia
Čěškecy (prjedy tež Čěžkecy; němsce Zischkowitz) su wjeska z 31 wobydlerjemi[2] w hornjołužiskim wokrjesu Budyšin. Słušeja ke gmejnje Hodźij a leža 205 m nad mórskej hładźinu. Hač do lěta 1936 běchu samostatna gmejna.
| |||||
| gmejna: | Hodźij | ||||
| zagmejnowanje: | 1936 (do Koblic) | ||||
| wobydlerstwo: | 31 (31. decembra 2022)[1] | ||||
| wysokosć: | 205 metrow n.m.hł. | ||||
51.20388888888914.2825205 | |||||
| póstowe čisło: | 02633 | ||||
| předwólba: | 035930 | ||||
| wotwodźene słowa: |
| ||||
 Powětrowy wobraz Čěškec | |||||
wikidata: Čěškecy (Q10817036) | |||||
Geografija
Čěškecy nadeńdu so něhdźe dźesać kilometrow zapadnje Budyšina a štyri kilometry sewjerozapadnje Hodźija, jenož 250 metrow zdalene wot awtodróhi A4. Susodne wjeski su Liboń na sewjeru, Prěčecy na wuchodźe, Běčicy na juhowuchodźe, Koblicy na juhu a Wučkecy na zapadźe.
Ležownostne mjena
Michał Rostok naliči 1887 slědowace serbske ležownostne mjena: Pola Wučkec, Pola Běčic, Pola Kralec hory, Pola Pozdec, Dźěłošća, W hatku, Pola Šołćic wólše, Na dalokim, Pola hłubokeho puća, Pola Wroblec haja, We wjerbičkach.[3]
Stawizny
Prěnje historiske naspomnjenje jako Teschcowitz pochadźa z lěta 1360. Ležownostne knjejstwo we wsy wukonješe přez lětstotki krajny bohot w Budyšinje. Cyrkwinsce słušeja přewažnje ewangelscy Čěškečenjo ze starodawna do Hodźijskeje wosady.[4]
Dotal samostatna gmejna bu w lěće 1936 zagmejnowana do susodnych Koblic a přińdźe při gmejnskej reformje 1994 hromadźe z nimi do Hodźijskeje gmejny.
Wobydlerstwo
W lěće 1884 měješe wjes po Mukowej statistice 72 wobydlerjow, z kotrychž bě 69 Serbow (96 %).[5] 1925 bě wot cyłkownje 65 wobydlerjow 46 ewangelskich a 19 katolskich.[4]
Wosobiny
W Čěškecach narodźi so w lěće 1818 serbski slawist, publicist a wobchodnik Jan Pětr Jordan. Jeho ródny dom (čo. 2) bu wobchowany a saněrowany.
Žórła
Wotkaz
.svg){kind=small}
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
