![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/1/1c/2017-08-06_Andrea_Nahles_2.jpg/640px-2017-08-06_Andrea_Nahles_2.jpg&w=640&q=50)
Andrea Nahles
němska politikarka / From Wikipedia, the free encyclopedia
Andrea Nahles (* 20. junija 1970 w Mendig, Porynsko-Pfalca) je němska politikarka Socialdemokratiskeje strony Němskeje (SPD), kotraž bě wot 22. apryla 2018 hač do 3. junija 2019 zwjazkowa předsydka strony a prěnja žona w tutym zastojnstwje. Do toho bě wot 27. septembra 2017 hižo předsydka frakcije SPD w zwjazkowym sejmje a wot 2013 do 2017 zwjazkowa ministerka za dźěło a socialne w kabineće Merkel III.
![Thumb image](http://upload.wikimedia.org/wikipedia/commons/thumb/1/1c/2017-08-06_Andrea_Nahles_2.jpg/640px-2017-08-06_Andrea_Nahles_2.jpg)
Nahles bě wot 2009 do 2013 generalna sekretarka zwjazkoweje SPD a wot 2007 do 2009 zastupowaca předsydka strony. Jako młoda politikarka bě mjez 1995 a 1999 zwjazkowa předsydka Młodych socialistow w SPD („Jusos“). Wona bě wot 1998 do 2002 prěni raz čłonka zwjazkoweho sejma a znowa wot lěta 2005.
Po hubjenych wuslědkach SPD při wólbach do Europskeho parlamenta dnja 26. meje 2019 a rosćacej kritiku ze swójskich rjadow wona 3. junija ze zastojnstwow stronskeje předsydki a frakciskeje předsydki wotstupi. Zdobom złoži tež swój mandat w zwjazkowym sejmje.
Andrea Nahles je katolska, woženjena a ma jednu dźowku. Wona je studowana germanistka.