Hłušina
wjes w Zhorjelskim wokrjesu, gmejnski dźěl Lubija From Wikipedia, the free encyclopedia
Hłušina[2] (němsce Glossen) je hornjołužiska wjeska, kotraž słuša wot lěta 2003 k Lubijej. Leži we wuchodnym dźělu Hornjołužiskich honow sydom kilometrow sewjernje Lubijskeho stareho města a 218 m nad mórskej hładźinu na prawym boku Lubaty.
| ||
| město: | Lubij | |
| zagmejnowanje: | 1974 (do Łuwoćic) | |
| wobydlerstwo: | 130 (31. decembra 2023)[1] | |
| wysokosć: | 218 metrow n.m.hł. | |
51.15611111111114.693333333333218 | ||
| póstowe čisło: | 02708 | |
| předwólba: | 03585 | |
.jpg) Hłušinjanski hród w 19. lětstotku | ||
wikidata: Hłušina (Q160868) | ||
Prěnje naspomnjenje jako Glussina pochadźa z lěta 1241.[3] Wjes bě wot 15. hač do 19. lětstotka we wobsydstwje tamnišeho ryćerkubła.
Wot lěta 1895 měješe Hłušina zastanišćo při železniskej čarje Lubij–Wóspork, kotraž so 1903 hač do Barta a 1906 hač do Radworja podlěši, hdźež bě z čaru Budyšin–Wojerecy zwjazana. W lěće 1972 bu wosobowy wobchad zastajeny a 1973 so čara mjez Lubijom a Bartom zawrě.
Po statistice Arnošta Muki měješe Hłušina w lěće 1884 240 wobydlerjow, mjez nimi 219 Němcow a 21 Serbow (8 %), kiž rěčachu Lubijsku narěč.[4] Dźensa so we wjesce hižo njeserbuje. Ewangelscy Hłušinjenjo přisłušeja wot 16. lětstotka Ketličanskej wosadźe.
Wosobiny
- Karl Friedrich Wilhelm von Gersdorff (1765–1829) – sakski general a wojerski spisowaćel; rodźeny we Hłušinje
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
