From Wikipedia, the free encyclopedia
Prawy kwětlowc (Cydonia oblonga) je kerk abo štom ze swójby róžowych rostlinow (Rosaceae), znutřka monotypiskim rodźe kwětlowc (Cydonia).
Prawy kwětlowc (Cydonia oblonga) | |
systematika | |
---|---|
Domena | Eukaryoty |
Swět | Rostlinstwo |
Rosidy Eurosidy I | |
swójba: | Róžowe rostliny (Rosaceae) |
podswójba: | (Spiraeoideae) |
tribus: | Pyreae |
podtribus: | Jadrješkosadowe rostliny Pyrinae |
ród: | Kwětlowc[1] (Cydonia) |
družina: | Prawy kwětlowc |
wědomostne mjeno za ród | |
Cydonia | |
Mill. | |
wědomostne mjeno za družina | |
Cydonia oblonga | |
Mill. | |
Prawy kwětlowc je kerk abo štom, kotryž docpěwa wysokosć wot 4 hač do 6 m.
Skora je hładka.
Łopjena su jejkojte abo owalne, na hornim boku blědźe zelene, na delnim boku husto pjelsćojće kosmate a docpěwaja dołhosć wot 5 hač do 10 (15) cm.
Kćěje wot meje hač do junija. Kćenja su běłe hač róžojte, pjećličbne, steja po jednym na krótkich wurostkach a docpěwaja přeměr wot něhdźe 5 cm. Keluch je kosmaty. Kćenjowe łopješka su róžojte.
Płody su jabłukojte abo krušwojte, pjelsćojće kosmate a docpěwaja dołhosć wot hač do 15 cm. Wone w oktobrje zrawja. Jich koža je wóskowa hač wolijowa. Njewarjene su twjerde, jěre-kisałkojte płody lědma jědźne, ale so hodźa k słódnej brěčce, kompotej abo želejej předźěłać. Zrałe płody su blědožołte abo ćmowožołte.
Rosće najlěpje w chłódnym měrnym klimaće. Ma radšo włóžne, hłubokosahace pódy na słónčnych stejnišćach.
W lěće žanu włóžnosć njeznjese.
Pochadźa originalnje ze zapadneje Azije. Hižo je před wjace hač 2500 lětami k južnej Europje a pozdźišo tež k srjedźnej Europje přišoł.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.