Winfried Kretschmann

Winfried Kretschmann (* 17. meje 1948 w Spaichingenje) je němski politikar Zwjazka 90/Zelenych a wot 12. meje 2011 dźewjaty ministerski prezident Badensko-Württembergskeje. Wón je prěni politikar swojeje strony w tutym zastojnstwje a nawjeduje prěnju zeleno-čornu koaliciju na runinje němskich zwjazkowych krajow. 12. meje 2016 bu znowa za ministerskeho prezidenta woleny. Wot oktobra 2012 do oktobra 2013 bě jako tajki zdobom předsyda Zwjazkoweje rady.

Winfried Kretschmann w lěće 2017

Wón studowaše wot 1970 do 1975 biologiju a chemiju na wučerstwo při gymnazijach a skutkowaše z přestawkami hač do 1995 jako wučer. 1979/80 bě sobuzałožer Zelenych w Badensko-Württembergskeje a bu 1980 prěni raz do krajneho sejma woleny. Tam bě wot 1983 do 1984 a znowa wot 2002 do 2011 předsyda zeleneje frakcije. Wot 1984 do 1988 njebě čłon krajneho sejma. Při wólbach w měrcu 2011 – krótko po nuklearnym njezbožu w Fukushimje – docpěchu Zeleni ze 24,2 % najlěpši wuslědk swojich stawiznow a stachu so z druhej najwjetšej frakciju po CDU. Kretschmann wutwori hromadźe ze SPD prěnju zeleno-čerwjenu koaliciju w jednym zwjazkowym kraju. W měrcu 2016 běchu Zeleni prěni raz najsylniša strona, dalewjedźenje stareje koalicije pak dla słabosće SPD móžne njebě, tak zo dojednaštej so Zeleni a CDU na wutworjenje zeleno-čorneje koalicije.

W swojej strony płaći Kretschmann jako wažny zastupjer liberalno-konserwatiwneho křidła.

Wón je katolski, wot lěta 1975 woženjeny a ma tři dźěći. k druhemu razej woženjeny a ma dweju synow z prěnjeho mandźelstwa.

Literatura

• Peter Henkel, Johanna Henkel-Waidhofer: Winfried Kretschmann – Das Porträt. Verlag Herder, Freiburg 2011, ISBN 978-3-451-33255-5.

Wotkazaj

 Commons: Winfried Kretschmann – Zběrka wobrazow, widejow a awdiodatajow

• Oficielna webstrona

Amtěrowacy šefojo knježerstwa němskich zwjazkowych krajow

Winfried Kretschmann (Badensko-Württembergska) | Markus Söder (Bayerska) | Kai Wegner (Berlin) | Dietmar Woidke (Braniborska) | Andreas Bovenschulte (Bremen) | Stephan Weil (Delnja Sakska) | Bodo Ramelow (Durinska) | Peter Tschentscher (Hamburg) | Boris Rhein (Hessenska) | Manuela Schwesig (Mecklenburgsko-Předpomorska) | Malu Dreyer (Porynsko-Pfalca) | Anke Rehlinger (Posaarska) | Michael Kretschmer (Sakska) | Reiner Haseloff (Saksko-Anhaltska) | Daniel Günther (Schleswigsko-Holsteinska) | Hendrik Wüst (Sewjerorynsko-Westfalska)

Ministerscy prezidenća Badensko-Württembergskeje

Reinhold Maier (1952–53) | Gebhard Müller (1953–58) | Kurt Georg Kiesinger (1958–66) | Hans Filbinger (1966–78) | Lothar Späth (1978–91) | Erwin Teufel (1991–2005) | Günther Oettinger (2005–10) | Stefan Mappus (2010–11) | Winfried Kretschmann (2011– )