Antwerpen

Antwerpen (francosce Anvers) je přistawne město w regionje Flanderska na sewjeru Belgiskeje a stolica Antwerpenskeje prowincy. Jako zarjadniska jednotka je Antwerpen po přestrjeni najwjetše město Belgiskeje, po wobydlerstwje je metropolowy rum po Brüsselu druhi najwjetši. Mjezynarodny wuznam ma zamórski přistaw Antwerpena, druhi najwjetši w cyłej Europje. Nimo toho je Antwerpen najwažniše stejišćo za předźěłanje a wikowanje z dejmantami.

Antwerpen

Antwerpen na karće Belgiskeje DEC
Wopon a chorhoj
wopon chorhoj
Zakładne daty
stat	Belgiska
region	Flandernska
prowinca	Antwerpen
přestrjeń	204,51 km²
wobydlerstwo	529.247 (1. januara 2020)
hustosć zasydlenja	2.587,9 wob./km²
předwólba	(+32) 03
webstrona	antwerpen.be
p • d • w

51.2166666666674.4

W 15. a 16. lětstotku bě město jedne z najwjetšich na swěće, sčasami najwuznamniše wikowanišćo Europy a jako kulturne město skutkowanišćo swětoznatych wuměłcow kaž Rubensa.

W Antwerpenje wotměchu so Olympiske hry lěta 1920 a w lěće 1993 bě město kulturna stolica Europy. Ćišćernjowy muzej Plantin-Moretus a wěža cyrkwje Našeje lubeje knjenje słušatej k swětowemu herbstwu UNESCO.

Antwerpen leži při rěce Schelde, něhdźe 90 kilometrow před wuliwom do Sewjerneho morja, něhdźe 40 kilometrow sewjernje Brüssela a 75 kilometrow južnje Rotterdama. Měšćanski teritorij mjezuje na sewjeru z Nižozemskej.

• 
  Napohlad nutřkowneho města
• 
  Radnica (Stadhuis)
• 
  Měšćanski hród, najstarše twarjenje města
• 
  Karta z lěta 1888