Pečora (rěka)
From Wikipedia, the free encyclopedia
Remove ads
Pečora (rusce Печора, zyrjanskokomisce Печӧра, nencisce Санэроˮ яха) je rěka na sewjerowuchodźe Europy a z 1809 kilometrami šesta najdlěša rěka na kontinenće. Wona běži přez samón sewjer europskeho dźěla Ruskeje a wuliwa so do Arktiskeho oceana.
Rěka wužórli so na sewjeru Uralskich horin blisko hranicy mjez republiku Komi a awtonomnym wokrjesom Chantow a Mansow. Wona běži najprjedy do zapadneho směra a wobroći so potom do sewjera. Pola města Pečora zastupi do Sewjeroruskeje nižiny. Při započatku rěčneje delty Pečory nadeńdźe so Narjan-Mar, stolica Awtonomneho wokrjesa Nencow. Naposledk wuliwa so Pečora do Barentsoweho morja resp. Pečorskeho morja.
Pečora je zasadnje pławna, je pak přez wjetši dźěl lěta zamjerznjena.
Přitočnišćo Pečory wobjimuje nimale cyłu kónčinu na zapadźe Sewjerneho a Polarneho Urala a ma přestrjeń 322.000 kwadratnych kilometrow. Na zapadźe twori Timanski hrjebjeń přirodnu hranicu z přitočnišćom Sewjerneje Dwiny.
Remove ads
Wotkaz
Wikiwand - on
Seamless Wikipedia browsing. On steroids.
Remove ads